Хураангуй:
Банкны тухай хуульд нэмэлт өөрчлөлтөөр нөлөө бүхий арилжааны банкнууд 2022 оны 6-р сарын 30-ы өдрөөс өмнө олон нийтэд хувьцаагаа санал болгох үүргийг монгол банкнаас арилжааны банкнуудад хүргүүлсэн билээ. Энэхүү шаардлагын улмаар зарим нэр бүхий банкнууд тухайн өөрчлөлтийг хүлээн авч, олон нийтэд санал болгох ажлаа эхэлсэн гэдгээ ар араасаа мэдэгдсээр байгаа энэ үед хөрөнгө оруулагчийн эрсдэл болон өгөөжийн хамаарал бүхий шаардлагатай өгөөжийн түвшинг тодорхойлох хэрэгцээ шаардлага үүссэний хүрээнд энэхүү судалгааг хийлээ.
Энэхүү судалгааны ажлаар Монголын банкны салбарын шаардлагатай өгөөжийг капиталын үнэлгээний загвар/CAPM/, Фама Френчийн 3 хүчин зүйлийн загвар /FFM/, Макро эдийнзасаг, статистикийн олон хүчин зүйлийн загвар болон Buil-up загвар гэсэн 4 аргын хүрээнд тодорхойллоо. Ингэхдээ Монголын арилжааны банкнууд олон нийтэд хувьцаагаа хараахан санал болгоогүй байгаа учир тооцооллыг хаалттай компанийн хувьд хийлээ.
Загвар бүрийн үр дүн харилцан ялгаатай гарсан бөгөөд энэ нь тухайн тайлбарлагч хүчин зүйлсийн ялгаатай байдлаас үүдэлтэй мөн харин гарсан үр дүнгүүдийг харьцуулан судалж өнөөгийн Монголын банкны салбарын нөхцөлд хамгийн тохиромжтой загварыг Фама Френч болон Макро эдийн засгийн загвар гэж үзлээ.
