Хураангуй:
Сүүлийн жилүүдэд дэлхий нийтэд тогтвортой хөгжил гэх ойлголт улс орнуудын нэн тэргүүний асуудал болж байгаа бөгөөд байгаль орчин, эдийн засгийг хамгаалах бодлого, төслүүд маш ихээр боловсруулагдах болсон. Байгаль орчинд ээлтэй үйл ажиллагаа явуулах, нийгэм, эдийн засагт эерэг нөлөөтэй байдал нь компанийн ашигт ажиллагаа, тогтвортой байдалд хэрхэн нөлөөлдөг болох, байгаль орчин, нийгэм, эдийн засаг (ESG)-ын шалгуур бүхий үйл ажиллагаа явуулснаар компанийн үнэ цэнэд хэрхэн нөлөөлдөг болохыг энэхүү судалгааны ажлаар харуулахыг зорилоо. Түүнчлэн олон улсын БОНЗ-ын үнэлгээний агентлагууд, тэдгээрийн үнэлгээний аргачлалыг судлах, Монгол улсын банк, санхүүгийн салбарт ашиглаж болох үнэлгээний аргачлал байгаа эсэхийг судлах, тэдгээрт үнэлгээ өгөхийг зорьсон болно.
