Хураангуй:
Компанийн нийгмийн хариуцлагын тухай асуудал олон жилийн турш яригдсаар ирсэн хэдий ч 1990-ээд оны үед хөгжиж буй орнуудын үндэстэн дамнасан компаниуд болон тэдгээрийн үйлдвэрлэл, үйл ажиллагаа шүүмжлэлд өртсөний үр дүнд энэ чиглэлээр илүү их гүнзгийрүүлсэн судалгаа хийх хэрэгцээ шаардлага гарч байв. Цаг хугацаа өнгөрөх тусам компанийн нийгмийн хариуцлагын хүрээнд хийгдсэн судалгаа нэмэгдсээр байсан бөгөөд эрдэмтдийн хувьд компаний бодлогын түвшинээс илүүтэй бодитой судалгаа шинжилгээг илүүд үзэх болсон байна. Уул уурхайн салбарын хувьд КНХ-ыг хэрэгжүүлэх байгууллагуудаас тэргүүн байр эзэлдэг бөгөөд КНХ нь тус салбарт чухал ач холбогдолтой. Тиймээс уг бакалаврын судалгааны ажлаараа дотоодын хөрөнгө оруулалт бүхий нүүрс олборлолтын “Адуунчулуун” ХК-ийн нийгмийн хариуцлагыг судаллаа. Судалгааг олон улсын стандарт ISO 26000-д суурилан асуумжын аргаар авч компанийн нийгмийн хариуцлагыг дээшлүүлэх талаар санал дэвшүүллээ.
