Монгол үндэсний эмээлийн зах зээлийн судалгаа

Abstract

Монголчууд бид өв уламжлал, ёс заншлаа хадгалж авч үлдэх, үр хойчдоо өвлүүлэн үлдээх нь нэг талаараа өөрсдийн соёлоо түгээн дэлгэрүүлэх хүндтэй ажил боловч нөгөө талаараа хариуцлага юм. Бид бүхэн нүүдлийн соёл иргэншлээс суурин амьдрал руу хурдацтай шилжиж байгаа өнөө цаг үед өөрсдийн түүх уламжлал, эдлэл хэрэглэлээ мартаж үл болох билээ. Иймдээ ч өвөөгөөс минь уламжлагдан ирсэн монгол эмээлээ өнөө цаг хүртэл урлан зах зээлд нийлүүлж буй бидний хувьд өв соёлоо хадгалж үлдэх, бусдад таниулах нь чухал боловч одоогийн зах зээлээ өргөжүүлж, монгол эмээл хэрэглэгч болон сонирхогчийн зан төлөв, тэдний худалдан авалтад нөлөөлөх хүчин зүйлсийг судалж ирээдүйн шийдвэр гаргалтдаа ашиглах хэрэгцээ тулгарсан юм. Энэхүү судалгааг нийт гурван төрлийн зорилтот эмээл хэрэглэгч, сонирхогчоос авсан бөгөөд нэгдүгээрт ахуйн хэрэглээний эмээл хэрэглэгч, хоёрдугаарт гоёлын эмээл сонирхогч, харин гуравдугаарт хэрэглээний болон гоёлын эмээлийн асуулгыг нэгтгэн Өвөрмонгол дахь эмээл хэрэглэгчдээс судалгаа авсан. Үүний үр дүнд монгол эмээлийн зах зээл хумигдаж, ирээдүйд үгүй болно гэсэн бидний таамаг харин ч эсрэгээрээ байсанд бахархам сайхан байлаа. Мөн Армонголын зах зээлээс гадна Өвөрмонгол дахь зах зээл бид бүхний өмнө нээлттэй байгааг олж харсандаа баяртай байна.