Хураангуй:
Банкны салбар нь аливаа улс орны санхүүгийн салбарын урдаа барих хариуцлага өндөртэй салбар юм. Улс болгонд банкны салбар нь нийгмийн хариуцлага өндөртэй, байгууллагын имидж сайтай байдгаараа ялгарч байдаг нь манай орны жишээн дээр ч гэсэн их ажиглагддаг.
Энэхүү судалгааны ажилдаа Монгол болон Хятад хоёр орны банкны салбар дах нийгмийн хариуцлагын тухайй харьцуулалт хийж эдгээр нийгмийн хариуцлагын хүрээнд хийгдэж буй ажлууд нь харилцагч нарын сэтгэл ханамжид хэрхэн нөлөөлж байгааг анкетын аргаар судалгаа авч үр дүн дээр нь статистик шинжилгээ хийснээр харуулах гэж зорилоо.
Судалгааны ажлыг хийж гүйцэтгэхийн тулд мэдээж компанийн нийгмийн хариуцлага болон хэрэглэгчдийн сэтгэл ханамж гэх хоёр тусдаа ойлголтыг онолын хүрээнд болон судлагдсан байдлын хүрээнд судалсан болно.
Үүний дараагаар Монгол болон Хятад орны банкны салбарын өнөөгийн байдал, хоёр орны банкны салбарт сүүлийн жилүүдэд хийгдсэн нийгмийн хариуцлагын арга хэмжээнүүдийг жишээ болгон судалгааны ажлын хоёрдугаар бүлэгт багтаалаа.
Судалгааны үндсэн хэсэгт банкны зүгээс авч хэрэгжүүлж буй нийгмийн хариуцлагын арга хэмжээнүүд, эдгээр нь хэрэглэгчдийн сэтгэл ханамжид хэрхэн нөлөөлж буйг харуулах анкетын судалгааны үр дүн оруулсан болно. Энэхүү судалгаа нь хоёр орны харицлан адилгүй банкны салбар болон харилцан адилгүй хэрэглэгч нарт анкетийн аргаар хийгдэж хооронд нь харицуулсанаараа онцлог юм.
