Хураангуй:
2007 онд Apple компани өөрсдийн анхны ухаалаг гар утас болох iPhone-г танилцуулснаар ухаалаг гар утасны зээлийн өрсөлдөөн эхэлсэн юм. Үүнээс 3 жилийн дараа буюу 2010 онд Samsung корпорац өөрсдийн анхны ухаалаг гар утас болох Galaxy S-г худалдаанд гарсан юм. Энэ цаг үеэс өмнө дэлхийн утасны зах зээл дээр Финланд улсын Nokia компани голлох үүргийг олон жил давамгай байдлаар ноёрхож байсан. 2010 оноос эхлэн Samsung болон Apple компаниуд ухаалаг утасны зах зээлийг эзлэх болсон. Өөр бусад ухаалаг гар утас үйлдвэрлэгчид байсан ч гэсэн хангалттай хэмжээний өрсөлдөөн үзүүлж чадахгүй байлаа. Эдгээр компаниудын өрсөлдөөн нэмэгдэхийн хэмжээгээр ухаалаг гар утас хурдацтайгаар өөрчлөгдөн, шинэчлэгдэх болсон. Ухаалаг гар утас хүчирхэг болох тусам бидний хэрэглээг илүү амар хөнгөн болгож байгаа ба үүнийгээ дагаад олон төрлийн үзүүлэлттэй ухаалаг гар утас худалдаанд гарах болсон. Одоо цаг үед бүх хүн ухаалаг гар утас хэрэглэх болсон учир би ухаалаг гар утас худалдан авах сонголтонд нөлөөлөгч хүчин зүйлсийг судаллаа. Ухаалаг гар утас худалдан авах сонголтонд нөлөөлөх хүчин зүйлсийн судалгааг асуулгын аргаар дөрвөн хүчин зүйл, 22 хувьсагч бүхий анкетыг Google Form платформ ашиглан нийт 405 хүнээс авсан ба алдааны хувийг 5%-р тооцон нийт 384 хүний судалгаан дээр дүн шинжилгээ хийсэн. Судалгааны асуулгаа бэлдэхдээ үзүүлэлт,онцлог,чанар болон харагдац гэх дөрвөн хүчин зүйл дээр тулгуурлан бэлдсэн. Судалгааны үр дүнд бүгд эерэг үзүүлэлттэй гарсан ба хамгийн өндөр нөлөөтэй байсан нь чанар, бага нөлөөтэй байсан нь харагдац гэж гарсан. Үнэнч байдлын хувьд Apple брендийн хэрэглэгчид бусад брендийн хэрэглэгчдийг бодвол илүү үнэнч байсан ба хэрэглэгчид ухаалаг гар утас худалдан авахдаа өмнө нь хэрэглэж байсан эсвэл дассан брендээ дахин сонгох хандлага ихтэй байсан.
