Хураангуй:
Энэхүү судалгаа нь авто засвар үйлчилгээний компаниар үйлчлүүлж буй үйлчлүүлэгчдийн хүлээлт, сэтгэл ханамж болон үйлчилгээний чанарыг хэмжин, түүнд нөлөөлж буй хүчин зүйлсийг тодорхойлсон. Хэрэглэгчдийн ойлгоц болон зан төлөвийг тодорхойлж түүнд тохирсон загварыг сонгохын тулд SERVPERF загвараар тандалтын судалгаа тухайн компаниар үйлчлүүлж буй 42 хүнээс авсан бөгөөд үүний үр дүнд суурилан KANO болон SERVQUAL загварыг хослуулан эмпирик судалгааг хийж гүйцэтгэсэн болно. Санал асуулгын аргаар цахим хэлбэрээр 384 өгөгдөл цуглуулж 354 өгөгдөл дээр шинжилгээ хийсэн. Судалгааны гол үр дүнгүүдээс үзэхэд үйлчилгээний чанар нь хэрэглэгчдийн сэтгэл ханамжид хангалттай хүрдэггүй бөгөөд нэг их ач холбогдол өгдөггүй ч сэтгэл ханамжийг нэмэгдүүлэх нөхцөл бүрдүүлэх боломжтой гэх үр дүн гарсан. Судалгааны хүрээнд 4 таамаглал дэвшүүлсэнээс 3 нь батлагдаж үлдсэн 1 нь няцаагдсан болно.
