Хураангуй:
Монгол Улсын гамшигт үзэгдэл, түүний эрсдэл, удирдлагын талаар онолын болон өнөөгийн байдлын судалгааг хийж, орчин үед гамшгийн эрсдэлийг бууруулахад ашиглаж буй санхүүгийн шинэ шинэлэг арга, механизм болох кат /гамшгийн/ бондыг олон улсын кейс туршлага дээр дэлгэрэнгүй судаллаа. Мөн манай улсын нөхцөл байдалд гамшгийн бондыг хэрхэн гаргах, яаж ашиглах талаар боломжийн судалгааг хийсэн болно. Гамшгийн бонд ашиглан гамшгийн эрсдэлийг бууруулах болсон шалтгаан нь манай улсын гамшгаас хамгаалах үеийн санхүүжилтийн нөөц бололцоо хангалтгүй байгаатай холбоотой юм. Монгол Улсын хувьд сүүлийн жилүүдэд зуд, ган, түймэр, үер зэрэг гамшигт үзэгдлүүд эрчимтэй нэмэгдэж, гамшгийн улмаас гарсан зардал нь ойролцоогоор 900 тэрбумд хүрсэн байна. Тус зардлыг барагдуулахад засгийн газрын нөөц сан хангалттай хүрэлцдэггүй учраас гадаад болон дотоодын байгууллагаас санхүүгийн тусламж, дэмжлэг авдаг. Тиймээс энэхүү санхүүгийн асуудлыг шийдэх зорилгоор тус судалгааг хийсэн болно.
