Хураангуй:
Улаанбаатар хотын хүн амын тоо жил ирэх тусам нэмэгдэж иргэдийг орон сууцжуулах асуудал хүндрэлтэй байгаагаас үүдэн талаас илүү хувь нь гэр хороололд амьдарч өвлийн улиралд утаа ихсэж амьдрах орчин доройтсоор байгаа тул засгийн газрын шийдвэрээр түүхий нүүрс түлэхийг хориглож сайжруулсан шахмал түлшийг хэрэглээнд нэвтрүүлээд байгаа нь утааны 50% ийг бууруулах судалгаанд үндэслээд байгаа билээ. Айл өрхүүдийн халаалтыг цахилгаанаар шийдвэрлэх асуудал дээр мөн бодлогын хүрээнд санаа тавьж олон ажлыг хийсний дүнд гэр хорооллын иргэдийн 25% ийг халаалтаа цахилгаанаар шийдэх дэд бүтэц нь шийдэгдсэн боловч иргэдийн амьжиргааны байдлаас шалтгаалан тэр бүр хэрэгжихгүй байна.
Монгол Улсын хэмжээнд Сэргээгдэх эрчим хүчийг төрөөс баримтлах бодлогын хүрээнд маш ихээр дэмждэг боловч манай улсын хувьд томоохон усан цахилгаан станц байхгүй тул эрчим хүчний системдээ тохируулга хийх чадамжгүй болоод байгаа тул нар, салхины цахилгаан станцыг ирэх ойрын жилүүдэд барих боломжгүй болж байна.
Иймд өнөөгийн нөхцөл байдал шаардлагаас хамаарч Улаанбаатар хотын айл өрхүүдийн халаалтын хэрэгцээнд нарны коллекторын системийг хэрэглэх боломжийг судалж боломжит хувилбаруудыг гаргаж ирэхийг зорилоо.
