Сүү, сүүн бүтээгдэхүүн үйлдвэрлэгч байгууллагад нөөцийн удирдлагын систем нэвтрүүлэх төсөл

Abstract

Олон улсад төдийгүй Монгол оронд сүү, сүүн бүтээгдэхүүний хэрэглээ жил ирэх

тусам өсч байгаа ба дэлхийн сүүний зах зээлийн судалгаагаар сүүн бүтээгдэхүүний

хэрэглээний сүүлийн 5 жилийн дундаж өсөлт 1.8% байсан байна. Тэр дундаа манай урд хөрш Хятад улсын сүүн бүтээгдэхүүний хэрэглээ дэлхийн дундажаас өндөр буюу 8.9% байна. Цаашид дэлхийн хүн амын өсөлтийг дагаад нэг хүний сүүн бүтээгдэхүүний дундаж хэрэглээ 12.5%-аар өсөх таамаглал дэвшүүлсэн байна. Монгол орны хувьд хэрэглэгчдийн хандлага уламжлалт хэрэглээнээс үйлдвэрийн аргаар боловсруулсан сүүн бүтээгдэхүүний хэрэглээ рүү шилжиж байгаа төдийгүй улсаас сүүний үйлдвэрлэл болон хэрэглээг дэмжсэн олон бодлого боловсруулан хэрэгжүүлж байгааг дагаад сүүний салбар дах үйлдвэрлэгч компаниудын үйлдвэрлэлийн хэмжээ өссөөр байна. Нөгөөтэйгүүр, орчин үед дижиталчлал хүчээ авч аж үйлдвэрийн дараагын хувьсгал болох тухай таамаглаж байна. Технологийн хөгжил нь бүхий л бизнесийн салбарт нөлөөлж уламжлалт загварууд өөрчлөгдөх шаардлага үүсч байгаа төдийгүй бизнесийн байгуулагуудын хөгжил тэдгээрийн мэдээллийн системийн хөгжилтэй шууд хамааралтай болоод байна.

Бид төслийн ажлын хүрээнд Монгол орны сүүний зах зээлийн үндсэн 2 том

тоглогчийн нэг болох АПУ Дэйри ХХК-д ERP систем нэвтрүүлэх ажлыг гүйцэтгэсэн ба

ERP системийг нэвтрүүлэх төслийг амжилттай удирдахад чиглэл болохуйц арга

аргачлал, санал зөвлөмжийг боловсруулсан болно.