Хураангуй:
Өндөр эдийн засгийн хөгжилтэй орнуудын хувьд даатгалын салбар нь эдийн
засагт томоохон байр суурийг эзэлдэг. Даатгал нь нийгэм дэх эдийн засгийн тогтвортой
байдлыг хангах бөгөөд өмч хөрөнгөд хохирол учрах, эд хөрөнгөө алдах, орлогын
алдагдал үүсэхэд даатгуулагчид нөхөн олговор олгодог ба Монгол улсын хувьд
даатгалын салбар сүүлийн жилүүдэд тогтмол өссөөр байна. Тиймээс даатгалын
салбарын оролцогчдод шаардлагатай мэдээллийг хүргэхийн тулд Монгол улсын
даатгалын салбарын потенциал хэмжээг тодорхойлох болов. Уг потенциал хэмжээ нь
ДНБ-д эзлэх даатгалын хураамжийн орлогын хэмжээгээр илэрхийлэгдэх бөгөөд онол,
аргазүйн судалгааг хийсний үндсэн дээр нөлөөлөгч хүчин зүйлсийг сонгон авч панел
өгөгдлийг цуглуулав. Эконометрикийн панел регрессийн загварыг тогтмол болон
санамсаргүй загвараар үнэлэн оновчтойг сонгож потенциал хэмжээг тодорхойллоо.
Судалгааны үр дүнд Монгол улсын ДНБ-д эзлэх даатгалын хураамжийн орлого хөгжиж
буй орнуудын дундаж үзүүлэлтээс хамааран 6.5 дахин өсөх боломж байгааг харуулав
