АЖЛААС ГАРАХ СЭДЭЛД СЭТГЭЛ ХӨДЛӨЛИЙН УХААЛАГ БАЙДАЛ НӨЛӨӨЛӨХ НЬ (“PC mall-ын жишээн дээр”)

Abstract

Энэхүү ажлаас гарах сэдэлд сэтгэл хөдлөлийн ухаалаг байдал нөлөөлөх гэдэг нь байгууллагын оршин тогтнох үндэс болж өгдөг байгууллагын ажилчдын ур чадвар, харилцаа холбоо, мэдлэг, сэтгэл хөдлөл зэрэг нь тухайн ажилтнуудын ажлаас гарах сэдэл болж мөн үндэслэл шалтгаан нь болдог эсэхийг нь PC-таll-ийн нийт ажилчдаас нь судалгаа аван тодорхойлох судалгааны ажил юм. Нийт PC mall-ийн 92 ажилчдаас санамсартай түүврийн санал асуулгын аргаар судалгаа аван үр дүн гаргасан. Судалгааны үр дүнд сэтгэл хөдлөлийн ухаалаг байдлын өөрийгөө сэдэлжүүлэх, өөрийгөө таних, өөрийгөө удирдах, бусдын оронд өөрийгөө тавьж үзэх, бусадтай харилцах зэрэг Daniel Goleman-ны холимог загварын 5 хүчин зүйлс байдаг. Үүнийг ажлаас гарах сэдэлтэй хамааруулж нөлөөллийг нь тооцоход өөрийгөө таних болон өөрийгөө удирдах гэх хувь хүний хүчин зүйлс ажлаас гарах сэдэлтэй огт холбоо хамааралгүй гарсан. Харин бусдын оронд өөрийгөө тавьж үзэх, бусадтай харилцах зэрэг нийгмээс ирэх хүчин зүйлс нь ажлаас гарах сэдэлтэй холбоо хамааралтай нөлөөлөлтэй байна. Байгууллагад тулгарч болох гол асуудлын нэг болох дасан зохицох байдал буюу өөрчлөлтөд зохицох чадвар нь нийгмийн хүчин зүйлсээс хамааран бий болж энэ үр дүнд ажилтанд ажлаас гарах сэдэл төрдөг. Энэхүү сэдэл нь бусадтай харилцах чадвараас хамаардаг. Удирдлага нь ямар нэгэн өөрчлөлт хийх гэж байгаа бол өмнө нь ажилчиддаа тайлбарлаж, санал бодлыг нь авч , ярилцаж харилцаа холбоотой байж шийдвэр гаргалт хийж чадвал ажилчдад ажлаас гарах сэдэл төрөхгүй.