Дотоод аудитыг сайжруулах арга замууд

Abstract

Сайн засаглалыг тодорхойлох томоохон хүчин зүйл нь дотоод аудит бөгөөд Дотоод аудит нь байгууллагын үйл ажиллагааг сайжруулах, түүний үнэ цэнийг нэмэгдүүлэхэд чиглэсэн хараат бус, бодитой баталгаа өгөх, зөвлөх үйл ажиллагаа бөгөөд хөрөнгө оруулагч, хувьцаа эзэмшигчдийг мэдээллээр хангаж байдаг. Олон улсын байгаль орчин, нийгэм, хүрээлэн буй орчин, эдийн засгийн төвөгтэй байдлаас шалтгаалан байгууллагууд өмнө хэзээ ч байгаагүй цаг хугацаа, нөөц, зардлын хязгаарлалттай тулгардаг. Тиймд байгаа болон үүсч болзошгүй эрсдэлд бэлдэх урьдчилан сэргийлэх зэргээр компанийн оршин тогтнох цаашид үйл ажиллагаагаа явуулахад дотоод аудит шаардлагатай болж байгаа ба түүний тогтолцоог судлан Олон улсын жишгийг өөрийн улсын онцлогт нийцүүлэн, тэр дундаа өөрийн байгууллагадаа оновчтой хэлбэрээр бүрдүүлэх, зарим төрлийн дотоод аудитын арга зүйг сайжруулах нь жил бүр нэмэгдэж байгаа байгууллагуудын чанарыг сайжруулах мөн нягтлан бодогч нарын гаргасан тайлан олон улсын хэмжээнд хүлээн зөвшөөрөгдөх боломжийг бүрдүүлж өгөх ач холбогдолтой гэж үзсэн тул энэхүү сэдвийг сонгосон болно