Олон ангит контент нэвтрүүлгийн өрсөлдөх чадварыг сайжруулах арга замууд

Abstract

Олон ангит контент нэвтрүүлэг бүр өөр өөрийн гэсэн шинэ өнгө төрх, хэв маяг, үнэ цэнээрээ бусдаас ялгарч хоорондоо өрсөлдөж байгаа өнөө үед гадны чанартай контент нэвтрүүлгийн адил дотоодын контент нэвтрүүлгийн өрсөлдөх чадварыг сайжруулах нь тулгамдсан асуудал болж байна. Тэр дундаа контент хөгжүүлэлт маш ихээр хийгдэж буй цуврал контент нэвтрүүлэг болон эмэгтэйчүүдэд зориулсан цуврал контентийн чанар гадны орчуулгийн олон ангит нэвтрүүлгүүдээс илүү гарч чадахгүй байна. Иймд дотоодын олон ангит контент нэвтрүүлгийн ялгаа, хэр чанартай байна , дутуу асуудалтай зүйлс юу байна, нэвтрүүлгийг оновчтой төлөвлөж чадаж байна уу? өрсөлдөх чадварыг сайжруулах ямар арга замууд байна, мөн контент нэвтрүүлгээр дамжуулан салбар хоорондын харилцаа хамааралын талаарх асуудлуудыг тодруулж үүнд хариулт олохыг зорих нь судалгааны ажлын зорилго юм. Судалгааны ажлын хүрээнд судлагдсан байдлын судалгаа салбарын судалгаа олон ангит нэвтрүүлгийн бүтцийн судалгаа, телевиз эрхлэгч, уран бүтээлчдийн судалгаа, үзэгчдийн судалгааг хийж асуудлыг тал бүрээс нь шинжлэн харахыг зорьлоо.