Орон нутгийн иргэдийн хувь хүний чадварын (soft skills) түвшинг ажил олгогчдын хэрэгцээ шаардлагын хүрээнд тодорхойлох, хөгжүүлэх

Abstract

Тогтвортой хөдөлмөр эрхлэхэд дан ганц тухайн хүний эзэмшсэн боловсрол, мэргэжил, туршлагаас хамаарахгүйгээр хүний зан байдал, хариуцлага, хандлага ямар байх нь үндсэн шалгуурын нэг болж байгаа талаар иргэд хараахан ойлголтгүй байна. Орчин үед техник технологи хөгжихийн хэрээр харилцаа болон багаар ажиллах, дата агадлүүдийг зүй тогтлыг нягтлах гэх мэт хувь хүний ур чадваруудын өргөн ойлголт бий болоод байгаа юм.

Орон нутаг тэр дундаа Өмнөговь аймаг нь уул уурхайн салбар хөгжиж байгаа бүс нутаг бөгөөд тэр хэдийгээр орон нутгийн иргэдэд энэ салбарт ажиллах боломжууд нээгдэж байгаа юм. Гэсэн хэдий ажил олгочдын хувьд орон нутгийн иргэд ажлын байранд тэнцэхгүй эсвэл тэнцсэн ч тогтвортой ажиллаж чадахгүй байгаа нь үйл ажиллагаагаа үр дүнтэй явуулахад сорилт болж байна.

Иймээс ажил олгочийн хэрэгцээ шаардлагыг орчин үеийн чиг хандлагатай уялдуулан хувь хүний ур чадварын хэрэгцээ, хүлээлт ямар түвшинд байх ёстой болон одоо ажиллаж байгаа орон нутгийн иргэдийн ур чадварийн зөрүү түвшинг гаргаж ирэх, мөн орон нутгийн хүрээний ажил горилогчид тэнцэхгүй байгаа нь хувь хүний ур чадвартай хэрхэн уялдаж байгаа зэргийг судлан үзэхэд ажил олгогчдийн чухал гэж үзсэн ур чадварууд нь одоо ажиллаж байгаа орон нутгийн иргэдийн хувьд доогуур үнэлэгдсэн. Ажил горилогёдын түвшин нь ажиллаж байгаа иргэдээс мөн доогуур байгаа нь иргэд ажил олгогчдын тавьж байгаа шаардлага хэрэгцээг хараахан ухамсарлаагүй байгаа нь батлагдлаа.