Кофе шопын үйлчилгээ сайжруулах хүчин зүйлсийг тодорхойлох нь

Abstract

Кофе шопын салбарт ажилладаг мэргэжилтнүүдийн дүгнэснээр өдөр ирэх тутам кофе шопуудаар үйлчлүүлж буй хэрэглэгчдийн тоо өсч байгаа ба улмаар зах зээлийн өрсөлдөөн нэмэгдэхийн хирээр кофе хэрэглэгчдэд илүү чанартай үйлчилгээ авах хэрэгцээ шаардлага бий болоод байна. Салбарын өрсөлдөөн нэмэгдэхийн хирээр кофе шопууд үйлчилгээний чанараар өрсөлдөх нь нэн чухал асуудал болоод байна.

Иймд энэхүү салбарын хөгжилд хувь нэмрээ оруулах, цаашлаад кофе шоп ажиллуулж байгаа бизнесийн байгууллагууд бизнесээ хадгалж үлдэхийн тулд үйлчилгээний чанар, үйлчлүүлэгчдийн сэтгэл ханамжинд тулгуурлан шинэ үйлчлүүлэгчдийг хэрхэн татах вэ? Гэсэн асуулатанд хариулт өгөхүйц судалгааны ажил хийх хэрэгцээ шаардлага байгаа юм.

Орчин үед үйлчилгээний чанарыг уламжлалт нэг хэмжээст атрибюцаар бус, харин олон хэмжээст атрибюцаар хэмжиж байна. Энэхүү судалгааны ажилд өнөө үед дэлхий дахины зочлох үйлчилгээний салбарын үйлчилгээний чанарыг хэмжихэд хэрэглэгдэж байгаа DINESERV, Кано моделийг ашигласанаараа онолын ач холбогдолтой гэж үзэж байгаа бөгөөд манай улсад үйл ажиллагаа явуулдаг Кофе шопууд энэхүү судалгааны ажлын үр дүнг ашиглан үйлчилгээний гинжин хэлхээнд нөөцийг хэрхэн үр дүнтэй, оновчтой байдлаар төлөвлөж өөрсдийн үйлчилгээгээ сайжруулах, хэрэглэгчдээ илүү сайн ойлгоход дөхөмтэй юм.