Хураангуй:
Тус судалгаа нь Монгол хөрөнгө оруулагчийн зан төлөвийг тодорхойлох зорилготой бөгөөд үүний хүрээнд 3 таамаглал дэвшүүлсэн. Энэхүү таамаглалыг шалгахын тулд Монгол хөрөнгө оруулагч 85 хүнээс түүвэрт дискретив ,хүчин зүйлийн шинжилгээ болон SEM үнэлгээ хийсэн болно. Шинжилгээнээс таамаглал (1) Хьюристик, Хэтийн төлөв, Зах зээлийн, Хердинг гэх зан төлөвийн 4 хүчин зүйлс нь Монгол хөрөнгө оруулагчдад илэрнэ, (2)Зан төлөвийн хүчин зүйлс нь Монгол хөрөнгө оруулагчдын шийдвэр гаргалтад хүчтэй нөлөө үзүүлнэ гэх таамаглал тус тус дэмжигдсэн бол (3)Зан төлөвийн хүчин зүйлс нь Монгол хөрөнгө оруулагчдын хөрөнгө оруулалтын гүйцэтгэлд эерэг нөлөө үзүүлнэ гэх таамаглал няцаагдсан. Судалгааны үр дүнд Монгол хөрөнгө оруулагчдын дунд Хьюристик хүчин зүйл харьцангуй илүү ажиглагддаг бөгөөд хөрөнгө оруулагчийн гүйцэтгэлд хувийн жингээрээ харьцангуй бага ч Хердинг болон Хэтийн төлөвийн хүчин зүйлс сөрөг нөлөөлдөг бол Хьюристик хувийн жингээрээ харьцангуй ихээр эерэг нөлөөлдөг гэсэн үр дүн тус тус гарсан.
