КОМПАНИЙН АЖЛЫН КАПИТАЛЫН УДИРДЛАГЫГ САЙЖРУУЛСНААР АШИГТ АЖИЛЛАГААГ НЭМЭГДҮҮЛЭХ БОЛОМЖИЙН СУДАЛГАА

Abstract

Аж үйлдвэрийн салбар нь манай улсын эдийн засгийн хөгжилд голлох байр суурь эзэлдэг билээ. Монгол Улсын Дотоодын нийт бүтээгдэхүүн 2017 оны урьдчилсан гүйцэтгэлээр (оны үнээр) 27.2 их наяд төгрөгт хүрсэн бөгөөд 8.9 их наяд буюу 32.7 хувийг аж үйлдвэрийн салбар бүрдүүлж байна. Энэхүү судалгааны ажлын хүрээнд Монгол улсын эдийн засгийн томоохон хэсгийг бүрдүүлэгч болох аж үйлдвэрлэлийн салбар, тэр дундаа боловсруулах үйлдвэрлэлийн салбарт үйл ажиллагаа явуулдаг Монгол улсын ууган үйлдвэрийн нэг болох Говь ХК-ийн санхүүгийн тайлан үзүүлэлтүүдэд шинжилгээ хийж богино хугацааны хөрөнгө, эх үүсвэрийн удирдлагын хүрээнд удирдлагын системийг сайжруулах арга замыг тодорхойлох, түүнийг ашиглаж компаний үйл ажиллагаанд эерэг нөлөө үзүүлэх боломж байгаа эсэхийг судлахыг зорьсон болно. Ингэхдээ Ажлын Капиталын Удирдлагын тухай онолын ойлголтууд болон АКУ-ыг хэрэгжүүлэхэд шаардагдах үзүүлэлтүүдэд тулгуурлан Говь ХК-ын 2013-2017 онуудын санхүүгийн тайлангуудад шинжилгээ хийж, тус компани АКУ-ын хүрээнд ямар ямар хүчин зүйлсийг сайжруулах шаардлага байгааг илрүүлж, түүнтэй холбоотойгоор санал зөвлөмжийг боловсруулсан болно.