Хураангуй:
Манай улс хүн амд ноогдох газар нутгын хэмжээгээр хамгийн
сийрэг орон боловч газар тариалангийн салбар муу хөгжсөн, нүүдлийн уламжлалтай
мал аж ахуй хөгжсөн орон юм. Хэдий тийм боловч Засгийн газраас газар тариалангийн
салбарыг хөгжүүлэх зорилготой “Атарын аян” төсөл удаа дараа хэрэгжүүлсний үндсэн
дээр, уул уурхайгаас гадна эрчимтэй хөгжиж байгаа салбарын нэг болно.
Хүний өдөр тутмын зайлшгүй хэрэглээнд хүнсний ногоо орох бөгөөд хүнсний
ногоогоор дамжуулан бие махбодид шаардлагатай амин дэмүүдийг авдаг байна.
Монголчууд бид жилдээ 10 гаруй тэрбум төгрөгний хүнсний ногоо импортоор авдаг ба
нарийн ногооны жилийн хэрэглээ 40 мянга орчим тонноор хэмжигддэг. Эрүүл мэндийн
яамнаас гаргасан судалгаагаар хүний хоногт зайлшгүй хэрэглэх шаардлагатай хүнсний
ногооны хэмжээнээс бид 93гр буюу 28,9%-г л хэрэглэдэг байна.
Энэхүү судалгаагаар хүн амын тал хувь нь оршин суудаг Улаанбаатар хотын нарийн
ногоо хэрэглэгчдийн худалдан авалтын зан төлөвийг судлах бөгөөд түүнд нөлөөлөгч
хүчин зүйлсийг тодорхойлохын тулд онолын судалгаанаас баяжуулсан хүчин зүйлс,
хэмжигдэхүүнүүд бүхий онолын загвар туршиж, дүгнэлт, санал зөвлөмж
боловсруулахад оршино.
