https://repository.ufe.edu.mn/xmlui/handle/8524/26 Tue, 14 Jul 2026 03:25:25 GMT 2026-07-14T03:25:25Z https://repository.ufe.edu.mn/xmlui/handle/8524/4874 ГРУПП КОМПАНИЙН ЗАСАГЛАЛ БА БАЙГУУЛЛАГЫН СОЁЛЫН УЯЛДААГ СУДЛАХ НЬ Борис, Гармаасүрэн Энэхүү судалгааны зорилго нь Монголын групп компаниудын хүрээнд компанийн засаглалын тогтолцоо болон байгууллагын соёл хэрхэн харилцан уялдаж, бие биеэ нөхцөлдүүлж байгааг тодорхойлоход оршино. Орчин үеийн судалгаанд компанийн засаглал нь байгууллагын ил тод байдал, хариуцлага, хяналтыг хангах албан ёсны механизм гэж үзэгддэг бол байгууллагын соёл нь ажилтнуудын зан төлөв, үнэт зүйлс, харилцааны хэв маягийг тодорхойлдог албан бус орчныг бүрдүүлдэг. Гэвч эдгээр хоёр хүчин зүйл нь тусдаа биш, харин харилцан нөлөөлөл бүхий нэгдмэл тогтолцоо болохыг олон улсын судалгаанууд онцолж байна. Тодруулбал, байгууллагын соёл нь засаглалын бодит хэрэгжилтийг дэмжих эсвэл сааруулах боломжтой бөгөөд нөгөө талаас засаглалын тогтолцоо нь байгууллагын соёлын чиг хандлагыг тодорхойлох суурь нөхцөлийг бүрдүүлдэг. Монгол Улсын хувьд групп компаниуд нь эдийн засгийн гол бүтэц болж хөгжсөн боловч засаглалын хэрэгжилт сул, шийдвэр гаргалт төвлөрсөн, ил тод байдал хангалтгүй байх хандлага ажиглагддаг. Үүний зэрэгцээ итгэлцэл, танил тал, албан бус сүлжээнд суурилсан байгууллагын соёл давамгайлж байгаа нь засаглалын бодит хэрэгжилтэд шууд нөлөөлж байна. Иймээс засаглал ба соёлын харилцан уялдаа холбоог Монголын нөхцөлд судлах шаардлага бий болж байна. Иймд групп компаниудын засаглал ба соёлын уялдааг 4 талт байдлаар буюу олон улсын байгууллагуудын тайлангуудад, Монголын бизнесийн медиа орчны нэвтрүүлэгүүд, подкастуудад дүн шинжилгээ хийж, дэлхийн бусад орнуудын групп компаниудын засаглал ба соёлын уялдааны практикийг харьцуулан судлахын зэрэгцээ тоон судалгааны аргыг ашиглан Монголын групп компаниудын төлөөлөл болсон Макс групп, Таван Богд групп, Боса Холдинг компанийн ахлах менежерүүд, газрын дарга болон зарим охин компанийн удирдлагуудаас асуулгын аргаар өгөгдөл цуглуулж, статистик шинжилгээ хийсэн. Судалгааны хүрээнд компанийн засаглал болон байгууллагын соёлын хоорондын харилцан хамаарал, уялдааг тодорхойлсон. Судалгааны үр дүнгээс харахад компанийн засаглал нь байгууллагын соёлд тодорхой нөлөө үзүүлдэг бөгөөд ил тод, хариуцлагатай засаглал нь нээлттэй, итгэлцэлд суурилсан соёлыг дэмждэг байна. Мөн байгууллагын соёл нь засаглалын бодит хэрэгжилтийг тодорхойлох гол хүчин зүйл болж, албан ёсны дүрэм журмын үр нөлөөг нэмэгдүүлэх эсвэл сулруулах боломжтой нь тогтоогдсон. Энэхүү судалгаа нь Монголын групп компаниудад засаглал ба соёлыг салангид бус, харин харилцан уялдаатай нэгдмэл систем болгон авч үзэх шаардлагатайг онцолж iii байна. Судалгааны үр дүн нь байгууллагын засаглалын тогтолцоог сайжруулахад зөвхөн бүтэц, дүрэмд анхаарах бус байгууллагын соёлыг давхар хөгжүүлэх стратегийн ач холбогдолтойг харуулж байна. Түлхүүр үгс: Групп компани, то Sat, 04 Jul 2026 00:00:00 GMT https://repository.ufe.edu.mn/xmlui/handle/8524/4874 2026-07-04T00:00:00Z https://repository.ufe.edu.mn/xmlui/handle/8524/4864 ОРОН НУТАГ ДАХЬ ЗОЧЛОХ ҮЙЛЧИЛГЭЭНИЙ БАЙГУУЛЛАГЫН ЗАСАГЛАЛЫН ХҮЧИН ЗҮЙЛСИЙГ САЙЖРУУЛАХ БОЛОМЖИЙН СУДАЛГАА /ДУНДГОВЬ АЙМГИЙН ЖИШЭЭН ДЭЭР Цогтбаяр, Уранчимэг; Цогтбаяр, Уранчимэг Энэхүү судалгаагаар Дундговь аймгийн зочлох үйлчилгээний салбарын байгууллагын засаглалын өнөөгийн байдал, түүнд нөлөөлж буй хүчин зүйлсийг онолын болон эмпирик аргаар судлав. Судалгаанд Agency, Stakeholder болон ESG онолд тулгуурласан концептуаль загвар ашиглаж, ярилцлагад суурилсан чанарын өгөгдлийг кодчилол, ангиллын аргаар боловсруулсан. Судалгааны үр дүнд байгууллагын засаглалын бүтэц сул, шийдвэр гаргалт төвлөрсөн, дотоод хяналтын тогтолцоо хангалтгүй, хүний нөөцийн тогтворгүй байдал ажиглагдсан. Мөн олон улсын стандарт, ESG зарчмын хэрэгжилт сул, оролцогч талуудын хамтын ажиллагаа төдийлөн хөгжөөгүй байгаа нь тогтоогдлоо. Үүний зэрэгцээ орон нутгийн онцлогт суурилсан аялал жуулчлал, тухайлбал комьюнити-д суурилсан үйлчилгээ, туршлага төвтэй бүтээгдэхүүн хөгжүүлэх, тогтвортой хөгжлийн зарчмыг нэвтрүүлэх боломж байгааг тодорхойлов. Судалгааны зорилго, зорилтууд биелсэн бөгөөд үр дүн нь байгууллагын засаглалыг сайжруулах, оролцогч талуудын оролцоог нэмэгдүүлэх, ESG суурьтай менежментийг хэрэгжүүлэх нь салбарын өрсөлдөх чадвар, тогтвортой хөгжлийг хангах үндсэн нөхцөл болохыг харуулж байна. Sat, 04 Jul 2026 00:00:00 GMT https://repository.ufe.edu.mn/xmlui/handle/8524/4864 2026-07-04T00:00:00Z https://repository.ufe.edu.mn/xmlui/handle/8524/4860 Хиймэл оюун ухааны технологид суурилсан барилгын өртгийн тооцоонд нөлөөлөх хүчин зүйлсийн судалгаа Алтанхуяг, Адьяа Монгол Улсын барилгын салбар нь эдийн засгийн чухал салбарын нэг бөгөөд барилгын өртөг тооцооллын нарийвчлал, үр ашиг нь төслийн амжилтад шууд нөлөөлдөг. Гэвч одоогийн өртөг тооцооллын арга нь хүний туршлага, гар ажиллагаанд ихээхэн тулгуурладаг тул алдаа, хэлбэлзэл үүсэх эрсдэл өндөр байдаг. Олон улсад болон монголын барилгын салбарт дижитал технологийн нэвтрэлт, хиймэл оюун ухааны хэрэглээ нэмэгдэж байгаатай холбогдуулан судалгаандаа барилгын өртөг тооцоолол хиймэл оюун ухааныг хэрхэн нэвтрүүлэхэд ямар хүчин зүйлс нөлөөлж байгааг тодорхойлж тухайн хүчин зүйлсийн үр нөлөөллийг үнэлсэн болно. Судалгаанд тоон судалгааны арга ашиглан барилгын салбарын мэргэжилтнүүдээс асуулгын аргаар өгөгдөл цуглуулсан. Түүврийн хэмжээг Словений томьёогоор тодорхойлж, зорилтот түүвэрлэлтийн аргаар оролцогчдыг сонгосон. Цуглуулсан өгөгдөлд SPSS программ ашиглан корреляци болон регрессийн шинжилгээ хийж, хүчин зүйлсийн нөлөөллийг тодорхойлсон. Судалгааны үр дүнгээс харахад байгууллагын дэмжлэг, хууль эрх зүйн зохицуулалт, технологийн бэлэн байдал, өгөгдлийн чанар, мэргэжилтний ур чадвар зэрэг хүчин зүйлс нь хиймэл оюун ухаанд суурилсан барилгын өртөг тооцооллын үр нөлөөнд статистикийн хувьд ач холбогдол бүхий нөлөө үзүүлж байна. Иймд барилгын салбарт хиймэл оюун ухааныг үр дүнтэй нэвтрүүлэхийн тулд зөвхөн технологи бус байгууллагын болон эрх зүйн орчныг цогцоор нь хөгжүүлэх шаардлагатай байна. Энэхүү судалгаа нь барилгын өртөг тооцооллыг сайжруулахад хиймэл оюун ухааны хэрэглээг оновчтой нэвтрүүлэх онолын болон практик ач холбогдолтой. Wed, 17 Jun 2026 00:00:00 GMT https://repository.ufe.edu.mn/xmlui/handle/8524/4860 2026-06-17T00:00:00Z https://repository.ufe.edu.mn/xmlui/handle/8524/4853 ЕРӨНХИЙ БОЛОВСРОЛЫН СУРГУУЛИЙН ХУВЬСАХ ЗАРДЛЫН ТООЦООЛЛЫН ӨНӨӨГИЙН АРГАЧЛАЛЫН ҮНЭЛГЭЭ БА САЙЖРУУЛАХ АРГА ЗАМ Нямсүрэн, Одгарав Энэхүү дипломын ажлын зорилго нь Монгол Улсын ерөнхий боловсролын сургуулийн нэг суралцагчид ногдох хувьсах зардлын тооцооллын өнөөгийн аргачлалыг үнэлж, улсын хэмжээнд үйл ажиллагаа эрхэлдэг сургуулиудын суралцагчийн тоо, ангийн дүүргэлт, багшийн ачаалал зэрэг хүчин зүйлсээс үүдэх өртгийн ялгааг тусгах сайжруулсан загварыг боловсруулахад оршино. Thu, 02 Jul 2026 00:00:00 GMT https://repository.ufe.edu.mn/xmlui/handle/8524/4853 2026-07-02T00:00:00Z