https://repository.ufe.edu.mn/xmlui/handle/8524/24 2026-04-14T06:37:55Z 2026-04-14T06:37:55Z Түвшинтөгс, Түвшин-Эрдэнэ https://repository.ufe.edu.mn/xmlui/handle/8524/4590 2026-02-23T05:08:59Z 2026-02-23T00:00:00Z

Органик арьс арчилгааны бүтээгдэхүүн худалдаж авах эрмэлзэлд нөлөөлөх хүчин зүйлсийн судалгаа Түвшинтөгс, Түвшин-Эрдэнэ Судалгааны ажлын хүрээнд хэрэглэгчийн зан төлөвийн онолын ойлголтуудыг судалсан бөгөөд судлаач Ajzen-ийн “Төлөвлөгдсөн зан төлөвийн онол”-ын загвар дээр үндэслэн боловсруулсан Huyen Ngo-Thi-Ngoc, Bang Nguyen-Viet болон Hao Hong-Thach нарын 2024 онд хийгдсэн “Веган гоо сайхны бүтээгдэхүүнийг худалдан авах эрмэлзэл: Төлөвлөгдсөн зан төлөвийн онолын өргөтгөсөн загварыг ашигласан судалгаа” гэх судалгааны ажилд үндэслэн худалдан авах эрмэлзэлд нөлөөлөх хүчин зүйлсийг тодорхойлов. Судалгаанд нийт 410 оролцогчийг хамруулснаас урьдчилсан шаардлага хангаагүй 19 оролцогчийг хасаж, 391 хэрэглэгчийн үр дүнг IBM SPSS 29.0 программыг ашиглан шинжилсэн. Шинжилгээний хэсэгт давтамж, найдвартай байдлын шинжилгээ, хүчин зүйлийн шинжилгээ, корреляцийн шинжилгээ, регрессийн шинжилгээ, нас хүйс орлогын түвшний ялгаатай байдлын шинжилгээ, кластер шинжилгээ зэргийг хийж гүйцэтгэсэн. Судалгааны үр дүнд хэрэглэгчдийн худалдан авах эрмэлзэлд хандлага хамгийн чухал нөлөө үзүүлдэг ба хандлагад итгэлцэл өндөр эерэг нөлөөтэй байдгийг баталсан.

2026-02-23T00:00:00Z Бат-эрдэнэ, Мөрөнбат https://repository.ufe.edu.mn/xmlui/handle/8524/4579 2026-02-12T06:32:41Z 2026-01-20T00:00:00Z

Цахим банкны үйлчилгээний чанар нь хэрэглэгчийн сэтгэл ханамжид үзүүлэх нөлөөллийг тодорхойлох нь: ХААН Банкны жишээн дээр Бат-эрдэнэ, Мөрөнбат Энэхүү дипломын ажлаар ХААН Банкны цахим үйлчилгээний чанар нь хэрэглэгчийн сэтгэл ханамжид хэрхэн нөлөөлж буйг судлан тогтоох зорилго тавив. Судалгаа нь цахим банкны хэрэглэгчийн туршлага, үйлчилгээний чанарын үнэлгээ, сэтгэл ханамжийн түвшний уялдааг онол-арга зүйн үндэслэлтэйгээр тодорхойлохыг зорьсон бөгөөд SERVQUAL, E-SERVQUAL, TAM зэрэг олон улсын түвшний онолын загваруудыг судалгааны үндсэн суурь болгон ашигласан. Судалгааны эмпирик өгөгдлийг ХААН банкны цахим үйлчилгээг тогтмол ашигладаг хэрэглэгчдээс онлайн асуулгын аргаар цуглуулж, нийт өгөгдөлд хүчин зүйлийн шинжилгээ, корреляци, регрессийн шинжилгээ зэрэг статистик аргачлалуудыг хэрэглэн боловсруулсан. Үйлчилгээний чанарын үндсэн хэмжүүрүүд болох найдвартай байдал, аюулгүй байдал, хүртээмж, хэрэглээний хялбар байдал, техникийн дэмжлэг болон интерфейсийн чанар нь хэрэглэгчийн сэтгэл ханамжид ямар хэмжээгээр нөлөөлж буйг тоон хэлбэрээр үнэлэв. Шинжилгээний үр дүнгээр цахим банкны үйлчилгээний чанарын бүх гол хүчин зүйлс хэрэглэгчийн сэтгэл ханамжид эерэг нөлөөтэй болох нь тогтоогдсон бөгөөд тэдгээрээс найдвартай байдал, аюулгүй байдал, шуурхай байдал, үр ашигтай байдал, вебсайтын загвар нь хамгийн хүчтэй нөлөөлөгч хүчин зүйлс байв. Энэ нь цахим орчинд үйлчилгээний тогтвортой ажиллагаа, мэдээллийн нууцлал, интерфейсийн ойлгомжтой байдал зэрэг үзүүлэлтүүд хэрэглэгчийн итгэлцэл болон сэтгэл ханамжийг бүрдүүлэх үндсэн нөхцөл болдгийг харуулж байна. Судалгааны үр дүнд тулгуурлан ХААН банкны цахим үйлчилгээний чанарыг сайжруулах дараах чиглэлүүдийг санал болгов. Үүнд: системийн найдвартай ажиллагааг нэмэгдүүлэх, хэрэглэгчийн мэдээллийн аюулгүй байдлыг улам сайжруулах, апп болон веб интерфейст хэрэглэгчид ойлгомжтой, энгийн бүтэцтэй шийдэл нэвтрүүлэх, харилцагчийн үйлчилгээний онлайн дэмжлэгийг өргөжүүлэх зэрэг багтана.

2026-01-20T00:00:00Z Ганхуяг, Ананд https://repository.ufe.edu.mn/xmlui/handle/8524/4483 2025-08-26T06:17:28Z 2025-08-26T00:00:00Z

Mbank-ний брэнд имижид ногоон маркетингийн нөлөөг тодорхойлох судалгаа Ганхуяг, Ананд Энэхүү судалгааны ажил нь Монголын анхны необанк мөн ууган банк болох Mbank-ний 3 жилийн хугацаанд үүсгэсэн брэнд имижид ногоон маркетинг ба бусад хүчин зүйлсийн нөлөөг тодорхойлно. Банкны ногоон маркетингийн цар хүрээ нь ногоон компанийн нийгмийн хариуцлага, ногоон бүтээгдэхүүн хөгжүүлэлт, ногоон дотоод боловсруулалт гэсэн гурван бүрэлдэхүүн хэсгээс бүрддэг болохыг өмнө судлагдсан дүн шинжилгээ харуулсан бөгөөд арилжааны банкны дижитал хэлбэр буюу необанк болох Mbank-ний брэнд имижийг зөвхөн ногоон маркетинг бүрдүүлэхгүй тул бусад хүчин зүйлсийг необанкны судалгааны ажлаас тодорхойлж гаргаж ирсэн. Үүнд сэтгэл хөдлөл, танин мэдэхүй, зан төлөв юм. Mbank-ний брэнд имижид эдгээр хүчин зүйлс хэр зэрэг хамааралтайг шинжилж тэдгээрээс ногоон маркетинг голчлон үзэж хэр ач холбогдолтойг тодорхойлох нь судалгааны гол зорилго болно.

2025-08-26T00:00:00Z Ганболд, Чинбал https://repository.ufe.edu.mn/xmlui/handle/8524/4453 2025-07-02T03:20:49Z 2025-07-02T00:00:00Z

Шинэ брэндүүдийг таниулах зорилго бүхий дундын талбай түрээсийн үйлчилгээг нэвтрүүлэх маркетингийн төлөвлөгөө Ганболд, Чинбал Сүүлийн жилүүдэд Монгол улсад жижиг, дунд бизнес эрхлэгчдийн тоо өсөн нэмэгдэж байна. Жижиг дунд бизнес эрхлэгчид нь аль ч улсад эдийн засгийн гол цөм бүрэлдэхүүн хэсэг болдог ба эдгээр бизнес эрхлэгчид нь зах зээлд амжилттай ажиллаж, зэх зээлээ тэлэхэд хөрөнгө санхүүгийн асар олон сорилтуудтай тулгардаг. 2020 оны цар тахлын нөлөөгөөр бизнес эрхлэгчид цахим худалдаа руу шилжсэн хэдий ч “Харилцаа Холбооны Зохицуулах Хороо”-ны 2022 онд хийгдсэн цахим худалдааны зах зээлийн судалгаанаас харахад хэрэглэгчид цахим худалдааг сонгоогүй шалтгаан нь биет дэлгүүрээр үйлчлүүлэхийг илүүд үздэг гэсэн судалгааны үр дүн гарсан байсан юм. Иймд жижиг дунд бизнес эрхлэгчид бүтээгдэхүүн үйлчилгээгээ хэрэглэгчдэд биет дэлгүүрээр дамжуулан брэндээ таниулах, хэрэглэгчдийн итгэлийг бий болгох, зах зээлд байр сууриа тодорхойлох хэрэгцээ шаардлага улам бүр нэмэгдэж байна. Тус хэрэгцээний хүрээнд жижиг дунд бизнес эрхлэгчид биет дэлгүүртэй болоход түрээсийн үнэ өндөр байх, томоохон дэлгүүрүүдэд бүтээгдэхүүнээ байршуулах зэрэг үйл ажиллагаануудад санхүүгийн хүндрэл бэрхшээл бий болдог. Энэхүү дипломын ажлын хүрээнд ЖДБ эрхлэгчдийн түрээсийн зай талбай сонгоход нөлөөлдөг хүчин зүйлсийг тодорхойлсон ба судалгааны үр дүнд тулгуурлан үнэ цэний санал бүхий практикт хэрэгжих боломжтой, эдийн засгийн хувьд үр ашигтай шийдэл боловсруулж, шинэ брэндүүдийг таниулах зорилготой уян хатан нөхцөлтэй, маркетингийн дэмжлэг бүхий дундын талбай түрээсийн үйлчилгээг зах зээлд нэвтрүүлэх төлөвлөгөөг боловсруулсан ба маркетингийн нэмэлт үйлчилгээ, поп-ап дэлгүүрийн үйлчилгээг нэмэлтээр оруулсан. Судалгаанд нийт 220 ЖДБ эрхлэгч оролцож, үйлчилгээний талбай сонгоход нөлөөлж буй хүчин зүйлсийг тодорхойлох зорилгоор фактор шинжилгээ, олон хүчин зүйлийн регресс, зорилтот хэрэглэгчдийг тодорхойлох кластер шинжилгээг тус тус хийсэн. Судалгаанаас гарсан үр дүн дээр суурилан G-STIC загварын дагуу маркетингийн төлөвлөгөөг боловсруулсан.

2025-07-02T00:00:00Z