Хураангуй:
Арилжааны банкны зээлийн үйл ажиллагааны өнөөгийн байдлыг тодорхойлж, зээлийн үйл ажиллагаанд боломжит финтек ашиглан үйл ажиллагааг хөнгөвчлөн банканд үр ашигтай, харилцагч талд түргэн шуурхай хүрч үйлчлэх хувилбарыг санал болгоход судалгааны ажлын зорилготой.
Банкны бүтээгдэхүүн үйлчилгээний орчин үеийн чиг хандлага нь онол болон эмпирик судалгаагаар цахим үйлчилгээнд суурилсан финтек банкны үйлчилгээ байх бөгөөд үүнийг хэрэгжүүлэхэд олон улсын туршлага, түүхэн замнал, алдаа оноог судлан, туршин нэвтрүүлэх, тохиромжтой стратегийг сонгох замаар гүйцэтгэлийг сайжруулж чадна гэж үздэг.
Олон улсын туршлагаас үзвэл ЖДҮ-ийн зээлийг финтек ашиглан шийдвэрлэдэг. Манай улсад одоогоор хэрэглээний зээл буюу 1 хүртэлх сая төгрөгийн зээлийг lendmn олгож байна. Иймд нийт зээлийн үлдэгдлээр 20 орчим хувийг эзэлдэг ЖДҮ-ийн зээлийг банкууд дансны орлого, зарлагын шинжилгээнд тулгуурлан олгож буй учир энэ үйл ажиллагааг финтекд шилжүүлэх судалгааг хийсэн.
