Хураангуй:
Хүнс, өргөн хэрэглээний бүтээгдэхүүн чанар аюулгүй байдлыг хангахаас эхлээд бүтээгдэхүүний дуусах хугацаа багатай онцлогтой бараа таваар юм. Хүнс өргөн хэрэглээний бүтээгдэхүүн зардаг байгууллагуудын хувьд хамгийн чухал асуудал нь барааны хэт илүүдэлд орохгүй байх, мөн барааны тасралтгүй байхыг зорин ажилладаг. Учир нь тухайн байгууллагын дийлэнх хэсгийг бэлэн бүтээгдэхүүн эзэлдэг бөгөөд бараа материалын нөөцийн оновчтой бодлого хэрэгжүүлсний үндсэн дээр дээрх хүндрэлээс гарах боломжтой юм. Нөөцийн оновчтой бодлого хэрэгжүүлсэнээр мөнгөний цикл түргэсэн, борлуулсан бүтээгдэхүүний өртөг багасч, борлуулалтын орлого нэмэгдсэнээр компанийн ашиг өсөхөд чухал нөлөөтэй.
Гэсэн хэдий ч түргэн борлогдох бараа бүтээгдэхүүн /Fast moving consumer goods/ борлуулагч Монголын томоохон компаниудын санхүүгийн өнгөрсөн жилүүдийн тайлангаас харвал жил ирэх бүр бараа материалын насжилт нэмэгдэн, эргэц нь удааширч байна. эргэц удааширч байгаагийн томоохон шалтгаан нь хэрэглэгчдийн худлдан авах чадвар буурсан, гадаад импортолсон бүтээгдэхүүний үнэ долларын ханшийн өсөлтөөс шалтгаалан нэмэгдсэн зэргийг дурдаж болох юм.
Энэ нь нөгөө талаас хэрэглэгчдийн хүнсний бүтээгдэхүүн худалдан авах зан төлөв, сэтгэл ханамж болон хүнсний бүтээгдэхүүний чанар аюулгүй байдлыг хэрхэн мөрдөж байгаагаас хамаардаг. Мөн хүнсний бүтээгдэхүүний цаашдын хандлагыг бүрэн мэдэрсэнээр түргэн борлогдох бүтээгдэхүүн үйчилгээ эрхлэгч компаниуд цаашид баримтлах маркетингийн стратегийн болон тактикийн шийдвэр гаргахад туслах болно.
