Уул уурхайн зомпаниудын төслийн эрсдэлийн удирдлагыг сайжруулах арга зам

Abstract

Монгол Улсын эдийн засагт томоохон байр суурь эзлэх болсон уул уурхайн салбарт үйл ажиллагаа явуулж буй уул уурхайн төслүүдийн эрсдэлийн удирдлага Засгийн газрын зүгээс болон хувийн хэвшлийн зүгээс хангалтгүй байгаа гэсэн таамаг дэвшүүлэн Монголд хэрэгжиж буй уул уурхайн төслүүдийн эрсдэлийн удирдлагын хэрэгжилтийн өнөөгийн байдлыг тодорхойлсон. Ингэхдээ үйл ажиллагаа дефолт болсон салбарын таван компанийг сонгон авч кэйс шинжилгээ хийсэн. Судалгааны үр дүнд дефолт болсон шалтгаан нь геологи судалгааны ажлын үр дүнг буруу тооцоолсон буюу үүдэлтэй ордын хүдрийн хэмжээ, чанарын агуулга, геологийн бусад хүндрэл зэрэг дутуу тооцоолсон, компанийн хөрөнгө оруулалт, санхүүгийн хүндрэл бэрхшээлтэй байгаа мөн төслийн менежерүүдийн туршлага дутмаг байдал, төслийн менежментийн зохион байгуулалт дутмаг байгаа зэрэг асуудлууд нь Монголд хэрэгжиж буй уул уурхайн төслүүдэд эрсдэлийн удирдлага хэрэгжүүлэхэд саад учруулж, дефолт болоход нөлөөлжээ.

Судалгааны нэгдүгээр бүлэгт сэдвийн тайлбар, төслийн удирдлага, эрсдэлийн удирдлага болон уул уурхайн төслийн эрсдэлийн удирдлагын онол, арга зүйн судалгаа, хоёрдугаар бүлэгт судалгааг хийж гүйцэтгэх арга зүйн талаар дэлгэрэнгүй оруулсан бол гуравдугаар бүлэгт Монголын уул уурхайн салбарын өнөөгийн байдал болон тэдгээрийн төслийн эрсдэлийн удирдлагын үйл ажиллагааны талаар судалсан. Судалгааны ажлын дөрөвдүгээр бүлэг буюу үндсэн судалгааны хэсэгт эхний 3 бүлэгт хийгдсэн судалгааг үндэслэн Монголын улсад уул уурхайн төслийн эрсдэлийн удирдлагад тулгамдаж буй асуудал, тэдгээрийг шийдвэр арга замыг санал болгосон.