Хураангуй:
Судалгааны ажлын зорилго нь хүнсний салбарын үйлдвэрлэл түүн дотроо гурилын үйлдвэрүүдийн бүтээгдэхүүний брэнд эквитиг компанийн хэрэглэгчдэд суурилсан брэнд эквитиг бүрдүүлэгч хүчин зүйлсээр тодорхойлох юм.
Судалгаанд брэнд эквитиг бүрдүүлэгч хүчин зүйлсийг нэгдүгээрт, гурилын үйлдвэрүүд дээр ямар байгааг тодорхойлон тухайн брэндэд хөрөнгө оруулалт шаардлагатай эсэх хоёрдугаарт, тухайн бүтээгдэхүүн зах зээлд корпорацийн (umbrella) брэндээр байх эсвэл бүтээгдэхүүний брэндийг баримтлах нь цаашид амжилттай байх уу гэдгийг судалсан.
Брэнд эквитиг бүтээх К.Келлер, Ж.Ноел, Д.Аакер-н загвар байдаг бөгөөд гадны олон судалгааны бүтээлүүд дээр туршигддаг үр дүн нь харьцангуй сайн гардаг, энгийн бүтэцтэй, өргөн хэрэглээний бүтээгдэхүүний салбарын онцлогт тохирох байдлыг харгалзан Аакер-н брэнд эквити загварыг судалгааны ажилдаа сонгон авч ашиглалаа. Уг судалгаанд нийт 305 гурил хэрэглэгчийг хамруулж Улаанбаатар хотын 6 дүүрэгт байршилтай Номин тав трейд ХХК-ийн салбар дэлгүүдээр судалгааг авч боловсруулсан. Судалгааны үр дүн: Үйлдвэрлэгчийн (multi product branding) нэртэй ижил гурилын брэнд болон бүтээгдэхүүний (individual) нэртэй гурилын брэндүүд байх нь хоорондоо ямар ч ялгаагүй нь тодорхойлогдсон. Энэ нь нэг эсвэл хоёр зүйлд хөрөнгө оруулах тухай юм. Өөрөөр хэлбэл зардал нэмэгдэх болж байна. Нөгөө талаар бүтээгдэхүүний нэртэй гурилын брэндээс илүү үйлдвэрлэгчийн нэртэй ижил гурилын брэндийг хэрэглэгчид илүү сонгодог болох нь тодорхойлогдсон. Тиймээс гурилын үйлдвэрүүд компанийн брэнд эквитигээ хөгжүүлж хөрөнгө оруулах, олон нийтэд сурталчилах нь илүү байх болов уу гэж үзэж байна.
