Ажлын капиталын удирдлагыг боловсронгуй болгох нь /Гадаад худалдаа эрхлэгч байгууллагын жишээ дээр/

Abstract

Монгол улсад үйл ажиллагаа явуулж байгаа үйлдвэрлэлийн газрууд эргэлтийн хөрөнгийн дутагдлаас үүдэн өөрийн хөрөнгө нөөц болол¬цоогоо бүрэн ашиглаж чаддаггүй.Эргэлтийн хөрөнгө ба эх үүсвэрийн менежментийн гол зорилго нь эдгээрийн хувьд ашигт байдал ба эрсдэлийн оновчтой харьцааг тогтоох явдал байдаг. Аливаа байгууллагыг амжилттай удирдах чухал хөшүүргийн нэг нь яахын аргагүй санхүүгийн удирдлага юм.

Иймээс судалгааны зорилгыг ажлын капиталын эргэцийн, компанийн үнэ цэнийн хамаарлыг тогтоож, компанийн хувь нийлүүлсэн хөрөнгийн өгөөжийг боломжит хэмжээнд хүргэх зорилт тавьж эргэлтийн хөрөнгийн боломжит бүтцийг тогтоож, санхүүгийн харьцааны болон ажлын капиталын удирдлагын үзүүлэлтийг сайжруулах тал дээр энэхүү судалгааны ажлаа боловсруулсан.

Үр дүнд гадаад худалдаа эрхлэгч байгууллагууд ажлын капиталын удирдлага сайжруулах шаардлагатай байдаг бөгөөд авлага цуглуулах бодлого боломжийн хэдий ч бараа материалын насжилт өндөр байдаг. Насжилтыг багасгахын тулд борлуулалтаа идэвхжүүлэх шаардлагатай нь шинжилгээгээр батлагдсан. Мөн ажлын капиталын удирдлагаа сайжруулахад авлага цуглуулах оновчтой бодлого хэрэгжүүлж байх шаардлагатай.