Удирдлагын шийдвэр гаргалтанд санхүүгийн тайлангийн шинжилгээг ашиглах нь /Арилжааны банкны жишээн дээр/

Abstract

Монгол улсын ДНБ-ний 4,96 орчим хувийг санхүүгийн салбар бүрдүүлж байна. Харин Санхүүгийн салбарын 95 орчим хувийг “Банк санхүүгийн салбар” бүрдүүлдэг байна.

Зах зээл дээр ашиглагдаагүй байгаа хөрөнгийг татан төвлөрүүлж, хөрөнгө шаардлагатай байгаа этгээдэд хүргэх үндсэн чиг үүргээ төрөл бүрийн бүтээгдэхүүн, үйлчилгээгээр дамжуулан гүйцэтгэдэг. Харилцагчийн итгэл дээр тулгуурладаг онцлогтой. Иймдээ ч их эмзэг салбар. Салбарын аль нэг банк дампуурахад үйл ажиллагаа нь хэвийн байсан бусад банкууддаа сөргөөр нөлөөлж үйл ажиллагааг доголдуулах аюултай байдаг. Иймд эдийн засгийн сааралттай таагүй орчинд Монгол улсын санхүүгийн салбарыг тодорхойлж буй банкны салбарын өнөөгийн нөхцөл байдлыг үнэлж, санхүүгийн тайлангийн үзүүлэлтийг үнэлж зохистой харьцаанд үнэлгээ өгөх нь судалгааны ач холбогдолтой юм. Судалгааг Монгол улсын томоохон банкууд болох Хаан банк, Худалдаа хөгжлийн банк, Голомт банк, Хас банк, Төрийн банкнуудаар төлөөлүүлэн хийх ба санхүүгийн тайлангийн үзүүлэлтүүдийн зохистой харьцааг тооцоолон, салбарын дундаж үзүүлэлтүүдийг тодорхойлон гаргах нь удирдлагын шийдвэр гаргалтанд чухал ач холбогдолтой юм. Мөн түүнчлэн салбарын дундаж үзүүлэлтийг нийтэд мэдээлснээр удирдлагууд шийдвэр гаргалтандаа бенчмаркинг хийх, салбарын онцлогыг тодорхойлох зэрэг ач холбогдолтой.