Хураангуй:
Энэхүү өгүүлэлд Монгол улсын тогтвортой хөгжил, түүний бодлогод хувь нэмэр болох үүднээс алтны шороон ордын усны хэрэглээ, ашиглалтыг судалж шороон ордын эдийн засгийн ашгийг тооцох зорилго тавилаа. Алтны шороон ордын олборлож буй алт болон ашиглаж буй усны хэрэглээний хамаарлыг гаргав. Хэдий хэмжээний эдийн засгийн үнэ цэн, ахиуц ашигтай алтыг хэдий хэмжээний эдийн засгийн үнэ цэн, ахиуц ашигтай усаар олборлож буйг тогтоож, усанд үнэлгээ хийх, усны хэрэглээний татварыг нэмэгдүүлэх шаардлагатайг тодорхойллоо. Монгол улсын хувьд тухайн олборлож буй ашигт малтмалыг голлон анхаарч, татвар хураамж авахыг чухалчилдаг бөгөөд олборлохын тулд ашиглагдаж буй бусад нөөцийг үнэлэх, түүнээс хэрхэн татвар авах тогтолцоо дутуу дулимаг, буруу байгааг илэрхийлэхийг зорилоо.
