Хураангуй:
Санхүүгийн зах зээлийн үндсэн гурван тулгуур нь Банк, Даатгал, Хөрөнгийн зах
зээл бөгөөд эдгээр салбар нь тогтвортой хөгжиж байж тухайн улс орны санхүүгийн
тогтвортой байдал хангагдаж байдаг.
Бизнесийг амжилттай явуулах нэг үндэс суурь нь үйл ажиллагаандаа дүн
шинжилгээ хийж, өнөөгийн түвшинг тодорхойлж, цаашдын үйл ажиллагааг төлөвлөх
явдал байдаг. Эндээс эрсдлийн удирдлага, эрсдэл бууруулах арга зам яригдсанаар
Даатгал хэмээх санхүүгийн салшгүй нэгэн хэсэгтэй холбогдоно. Олон улсын хэмжээнд
даатгалын зах зээл ДНБ-ийхээ долоо орчим хувийг эзэлдэг бол Монголд энэ үзүүлэлт 0.5
хувьтай байгаа юм.
Уг судалгаандаа даатгалын компаниудын орон нутаг дахь салбарыг судлан,
орлого, зардлын бүтцийг судлах болон хэрхэн үр ашиг, ашигт ажиллагааг нэмэгдүүлэх
талаар өгүүлэх болно. 2015, 2016, 2017 оны 2-р улирлын байдлаар салбарын тоо буурсан
үзүүлэлттэй байгаа нь сэдэв сонгох үндэслэл болсон бөгөөд Орон нутгийн даатгалын
салбарын бодит байдал үр ашгийн судалгааг оновчтой арга зүйгээр боловсруулалт хийж
нэгтгэн дүгнэх буюу даатгалын салбарын орон нутаг дахь салбарын үр ашгийг
нэмэгдүүлэх боломж таамаглалыг олон улсын болон дотоодын эмпирик болон статик
судалгааны үр дүн дээр тулгуурлан гаргахад энэ судалгаа чиглэгдсэн.
