Компанийн санхүүгийн стратегийг томъёолох нь

Abstract

Монгол Улсын нүүрсний салбар тэр дундаа нүүрс экспорт нь 2016 оны гүйцэтгэлээр нийт экспортын 19.8 хувийг мөн дотоодын нийт бүтээгдэхүүнд 5.8 хувийг тус тус эзэлж байгаа эдийн засагт гүйцэтгэх үүргээр ач холбогдол өндөртэй салбар юм. Гэвч дэлхийн эдийн засгийн хямрал, түүхий эдийн үнийн уналтаас шалтгаалан нүүрсний салбарын ихэнх компаниудын санхүүгийн тогтвортой байдал алдагдах болсон нь салбарын нийтлэг тулгамдсан асуудал болж байна. Судалгаагаар уул уурхайн олон улсын томоохон компаниуд зах зээлийн цаашдын чиг хандлага болон өнөөгийн нөхцөл байдалд тулгуурлан өсөлтийн стратеги баримталж байгаа бол монголын нүүрсний салбарын хувьд оршин тогтнолоо хадгалж зах зээлд тэсэж үлдэх стратегийн чиг баримжаа баримталж байна. Монголын нүүрсний компаниудын хувьд дэлхийн бусад өрсөлдөгч компаниудтай харьцуулахад улс төрийн орчин тогтворгүй төрөөс нэгдсэн бодлого баримтлахгүй байгаа мөн дэд бүтэц хөгжөөгүй зэргээс өрсөлдөөний давуу тал олох боломж хязгаарлагдмал хэвээр байна. Мэдээллийн олдоцтой байдал болон судалгааны хүрээнээс шалтгаалан судалгааны обектоор Mongolian Mining Corporation-ийг сонгон авч онолын болон практик судалгаан дээр үндэслэн санхүүгийн тогтвортой байдлын шинжилгээ хийсэн бөгөөд компани turnaround strategy хэрэгжүүлэх шаардлагатай гэсэн дүгнэлтэнд хүрч тухайн стратегийг хэрэгжүүлэх алхмуудыг санал болгож зөвлөмж боловсруулсан болно.