Хураангуй:
Судалгааны ажил нь ББСБ-аас Жижиг, дунд бизнест олгож буй зээлийн хэмжээ, зээлийн хүү, зээл олгохтой холбоотой зардлууд зэргийг харьцуулан судалж, энэ төрлийн зээлийн үр ашиг, түүнийг нэмэгдүүлэх арга замыг тодорхойлон санал зөвлөмж боловсруулах зорилготой юм. Энэхүү зорилгод хүрэхийн тулд зээлийн үр ашиг, түүнийг нэмэгдүүлэх арга аргачлалын талаарх онол арга зүйн харьцуулсан судалгаа хийж, Монгол улсын ББСБ-уудын үйл ажиллагааны өнөөгийн байдлын талаарх болон Жижиг, дунд бизнесийн зээлийн өнөөгийн нөхцөл байдлыг судалсан бөгөөд зээлийн үр ашгийн харьцуулсан судалгаа, шинжилгээ хийж гүйцэтгэлээ. ББСБ-ын зээлийн үр ашгийг болон ЖДБ-ийн зээлийн үр ашгийг тооцохдоо санхүүгийн шинжилгээ болон зээлийн үр ашгийг нэмэгдүүлэх онол арга зүйн загварыг ашиглан үр ашгийг тооцсон судалгаа шинжилгээний ажлуудын үр дүнг нэгтгэн ЖДБ-ийн зээлийн үр ашигт байдлыг дээшлүүлэх боломжит хувилбарыг санал болгов.
