Хураангуй:
Онол арга зүй: Энэхүү судалгааны ажил нь онолын хувьд төсвийн тухай ойлголт,
төсвийн төлөвлөлтийн онол, арга зүй, төсвийн төлөвлөлтийн арга хандлага тэдгээрийн
харьцуулалт болон давуу болон сул талыг харьцуулан судалсан.
Таамаглал: Энэхүү судалгааны ажил нь боловсролын салбарын төсвийн
төлөвлөлт түүний арга зам, орлого, зарлагыг зөв зохистойгоор удирдах, мөн их дээд
сургуулиудад төсвийг төлөвлөх боловсронгуй арга бий болгох арга ажиллагааг
өнөөгийн нөхцөл байдал зайлшгүй шаардлагатай байна.
Зорилго: Боловсролын салбарын төсвийн төлөвлөлтийн өнөөгийн байдлыг үнэлж,
тулгамдаж буй асуудлуудыг тодорхойлон сайжруулах талаар санал, зөвлөмж
боловсруулахаар зорилоо.
Судалгааны арга зүй, дизайн: ТӨИДС-ийн 5 сургуулийн төсвийн төлөвлөлтийн
арга хандлага, зарчимд суурилан 2013-2016 оны төсвийн тоон мэдээллийг ашиглан тоон
шинжилгээ хийн өнөөгийн байдлыг тодорхойлсон. Мөн төсвийн төлөвлөлтийн
өнөөгийн процессыг судлан процесс бүрт ямар эрсдэл үүсдэг, эрсдэл үүсэхэд нөлөөлж
буй хүчин зүйлсийг тодорхойлох, үүсч буй эрсдлийг хэрхэн шийдвэрлэдэг болохыг 2
шатлалт асуулга судалгаагаар тодорхойлон судалсан. Асуулга судалгааг SPSS
программыг ашиглан боловсрууллаа.
Үр дүн: Дээрх байдлаар судалгааг хийсний үр дүнд төсвийн төлөвлөлтийн
процесст орлого болон зарлагын төлөвлөлтөнд хамгийн их эрсдэл үүсч байгаа бөгөөд
эдгээрт олон хүчин зүйлс нөлөөлж байна.