Хураангуй:
Байгууллагын санхүүгийн тогтвортой байдал нь ёс зүйн дүрэм, стандартад бүрэн нийцсэн үйл ажиллагаа явуулдаг дотоод аудитын нэгжийн үр дүнтэй үйл ажиллагаанаас шууд хамааралтай. Дотоод аудитын нэгж зорилгоо биелүүлэхийн тулд үйл ажиллагаагаа сайжруулах, чанарын үнэлгээг тогтмол хийлгэн баталгаажуулалтаар хангах зайлшгүй шаардлага тулгардаг. Дотоод аудитын нэгж нь стандарт болон ДАМПОУС-д бүрэн нийцэж ажиллахгүй байдлаас шалтгаалж, байгууллага алдагдалд орсон тохиолдлууд нэлээдгүй байдаг. Иймд судлаачийн зүгээс арилжааны банкуудад дотоод аудитын ЧБСХ-ийг хэрэгжүүлж, дотоод аудиторууд ёс зүйн дүрмээ бүрэн мөрдөж ажиллах, үйл ажиллагааг ДАМПОУС-д бүрэн нийцүүлэх арга замыг тодорхойлох, улмаар дотоод аудитыг боловсронгуй болгох талаар судалсан.