Хураангуй:
Манай улс 1990-ээд оноос зах зээлийн харилцаа болон өмчийн олон хэлбэрт шилжиж, ААН-үүд үүсэн байгуулагдсан боловч нэлээд хэсэг нь үйл ажиллагаагаа зогсоож, доголдсон нь эрх зүйн орчин бүрдээгүй, ААН-ийн удирдлагуудын мэдлэг туршлага, байгууллагын дотоод хяналтын систем болон компанийн засаглал сул байсантай холбоотой юм.
Компанийн засаглалыг сайжруулахын үйл явц 2011 оны Засгийн газрын 311 дугаар тогтоол “ААН, байгууллагын үйл ажиллагаанд дотоод хяналт шалгалтыг зохион байгуулах нийтлэг журам”, 2015 онд Засгийн газрын 483 тоот тогтоол “Дотоод аудитын дүрэм”-ийг тус тус батлан мөрдүүлсэн нь бизнесээ үр ашигтай удирдан зохион байгуулах, бүртгэл тооцоонд хяналт тавих, санхүүгийн үнэн зөв мэдээлэлд тулгуурлан шийдвэр гаргах гэх мэт боломжийг бий болгож байна.
Хэдийгээр дотоод хяналтын систем сайжирч байгаа боловч бид цаашид илүү үр дүнтэй, илүү үр өгөөжтэй болгохын тулд эрсдэлд суурилсан дотоод хяналтыг бий болгох улмаар эрсдэлийг урьдчилан таамаглах зүй ёсны шаардлага тавигдаж байна.
Энэхүү судалгааны ажилд дотоод аудитын төлөвлөлтийн явцад эрсдэлийг хэрхэн тодорхойлох, үнэлэх COSO загварыг ашиглан, “HEAT MAP” буюу эрсдэлийн дулааны зураглалын арга зүйгээр тодорхойлно.
