Хураангуй:
Өөрийн хөрөнгө нь банкны ашигт ажиллагаа ба санхүүгийн тогтвортой байдлыг баталгаажуулдаг хүчин зүйлүүдийн дотор голлох үүрэг гүйцэтгэдэг. Монгол Улсын эдийн засгийн гол цөм болсон банкны системийн тогтвортой, найдвартай байдалд арилжааны банкны өөрийн хөрөнгө, түүний удирдлага чухал асуудал болж, урьд өмнө нь засгийн газраас хадгаламжийн даатгал бий болгож байсан бол одоо банкны өөрийн хөрөнгө нь итгэлцүүрийн гол хэмжүүр болоод байгаа юм. Энэхүү судалгааны ажлаар Монгол Улсад үйл ажиллагаагаа явуулж буй арилжааны банкуудын өөрийн хөрөнгийн өнөөгийн байдлыг судалж, өөрийн хөрөнгийг нэмэгдүүлэх боломжийн судалгааг банк тус бүрээр хийж, санал зөвлөмж боловсрууллаа.
