Хураангуй:
Бараа бүтээгдэхүүний сав баглаа боодол болон хаяг шошго дээрх
мэдээллээс хэрэглэгч, худалдан авагчид тухайн бүтээгдэхүүний тухай мэдээллийг олж
авдаг. Харин эхийн сүү орлуулагч бүтээгдэхүүний хувьд импортоор орж ирдэг ба 2005
онд баталсан эхийн сүү орлуулагч бүтээгдэхүүний тухай хуулиас өмнө худалдан авагчид
тухайн бүтээгдэхүүний тухай мэдээлэл дутмаг бөгөөд эмчийн заавраар бус хэрэгцээ
гармагц худалдан авалт хийдэг байсан. Үүнээс шалтгаалж бага насны хүүхдүүдийн
өвчлөлтийн тоо жилээс жилд нэмэгдэн, эхийн сүү орлуулагч бүтээгдэхүүний хэрэглээ
ихсэж байсан. Эхийн сүү орлуулагч бүтээгдэхүүн 2003 оноос хойш зар сурталчилгааг
телевиз радиогоор хүчтэй явуулсан ба маркетинг эрс нэмэгдэж эхэлсэн байна. Тиймээс
дэлхийн эрүүл мэндийн байгууллага (WHO) 2005 онд гаргасан судалгаандаа “1.5 сая
амиа алдсан хүүхдүүд эхийн сүүгээр тэжээгдсэн бол амиа алдахгүй байж болох байлаа”
гэсэн анхааруулгыг нийтэд зарласан байдаг байна. Тийм учраас Монгол улсын үндсэн
хуулинд тус бүтээгдэхүүний зөв зохистой хэрэглээг дэмжсэн зүйл заалтуудыг оруулсан.
Харин тухайн хуулийн мөрдлөг хэр зэрэг үр өгөөжтэй байгаа эсэх болон худалдан
авагчид энэ тухай хэр мэдээлэлтэй байдаг тухай судлалаа.
