Хураангуй:
Улс орнуудын эдийн засгийн сайн сайхан байдал нь эдийн засгийн өсөлтийг хэмждэг бодит ДНБ болоод нэг хүнд оногдох бодит ДНБ-ий өсөлтөөр тодорхойлогддог. Эдийн засагт маш олон хүчин зүйлс нөлөөлдөг ба тэдгээрийн нөлөөллийг илүү нарийн судлахын тулд эдийн засгийн загваруудыг ашигладаг. учир бид энэ судалгааны ажлын хүрээнд эдийн засгийн өсөлтийн эконометрик загваруудын талаар судлахаас гадна загварын үнэлгээнд тулгардаг зарим асуудлуудыг хэрхэн шийдвэрлэх талаарх ажлуудтай танилцан үнэлэлт, дүгнэлт өгөх юм. Өөрөөр хэлбэл, эконометрикийн талаасаа хазайлтгүй, нийцтэй үнэлгээг өгч чадахуйц загварыг хэрхэн гаргах талаар нарийвчлан судлах болно.
