Хураангуй:
Энэхүү судалгааны ажлаар Монгол улсын уул уурхайн салбарын олон улсын татварын асуудал, түүний зохицуулалтын талаарх онол арга зүйн хувьд судлан, давхар татварын гэрээний нөлөөлллийг гэрээний агуулга, эрх зүйн баримт бичиг, процессын хүрээнд судалж тулгамдаж буй асуудлуудыг тодорхойлсон болно.Эдийн Засгийн Хамтын Ажиллагаа Хөгжлийн Байгууллагаас (OECD) анхлан судалсан BEPS (Base Erosion Profit Shifting) буюу “Татварын Суурийг Багасгаж Ашгийг Шилжүүлэх” – ээс сэргийлэх загварыг 2015 оноос G20 – ийн улсууд хэрэгжүүлж эхэлсэн юм. BEPS гэдэг нь татварын эрх зүйн орчин дахь хуулийн цоорхой, зөрүүтэй заалтуудыг ашиглах замаар ашгийг татваргүй, эсвэл бага татвартай орчин луу зохиомол ажиллагаагаар шилжүүлэн татвараас зайлсхийх стратеги, ажиллагааг зогсоох талаар бий болсон загварыг хэлдэг. Энэхүү олон улсын татварын загварын Монгол улсын уул уурхайн салбарт үзүүлэх боломж болон аюулыг тодорхойлон дүгнэж, судалгааны үр дүнд гарсан асуудлуудыг шийдвэрлэх талаар санал зөвлөмж боловсруулсан болно.
