Аялал жуулчлалын салбарын нийгмийн хариуцлагыг сайжруулах арга замууд /4-5 одтой зочид буудлын жишээн дээр /

Abstract

Дэлхийн дулаарал, уур амьсгалын өөрчлөлт, хүлэмжийн хий гэх мэт байгаль орчны тулгамдсан асуудлуудаас үүдэн Компанийн нийгмийн хариуцлагын ойлголт тэр дундаа байгаль орчинд чиглэсэн нийгмийн хариуцлагын асуудал сүүлийн жилүүдэд хурдацтай хөгжиж байна. Манай улсын 3 дахь том эдийн засаг болох аялал жуулчлалын салбарын үндсэн цөм нь болсон зочид буудлууд усны нөөц, эрчим хүч ихээр ашигладаг, хог хаягдал ялгаруулж байгаль орчинд нөлөө тодорхой нөлөө үзүүлдэг. Тиймээс манай улсад үйл ажиллагаа явуулж буй зочид буудлуудад нийгмийн хариуцлагын өнөөгийн байдал ямар түвшинд байгаа, байгаль орчинд чиглэсэн нийгмийн хариуцлагын ямар үйл ажиллагаануудыг хэрэгжүүлж байгааг зэрэглэл өндөртэй зочид буудлуудын жишээн дээр судалсан. Судалгааг 4-5 одтой 10 зочид буудлаас асуулгаар, дараа нь ажиглалтын судалгаагаар тус тус хийсэн бөгөөд КНХ нь байгууллагын санхүүгийн болон санхүүгийн бус гүйцэтгэлд эерэг нөлөө үзүүлдэг эсэхийг мөн давхар судалсан. Судалгааны дүнд зэрэглэл өндөртэй зочид буудлууд байгаль орчинд чиглэсэн нийгмийн хариуцлагын үйл ажиллагаануудыг тодорхой түвшинд хэрэгжүүлж эхлээд байгаа ч олон улсын түвшинтэй харьцуулахад эхлэл шатандаа байгаа нь харагдсан. Гэхдээ энэ бол манай улсад КНХ-ын ойлголт хөгжиж, байгууллагууд анхаарч эхэлж байгаа нэгэн эерэг үзүүлэлт юм.