Хураангуй:
Судалгааны ажлын хүрээнд зээлийн оновчтой багц бүрдүүлэлтийг бүх арилжааны банкуудын улирлын зээлийн тайлангын мэдээлэлд тулгуурлан хийсэн ба уг оновчтой багцад эдийн засгийн салбарууд болон макро эдийн засгийн үзүүлэлтүүдийн нөлөөллийг панел өгөгдлийн аргаар шинжилсэн. Мөн энэхүү шинжилгээний дүгнэлтийг баталгаажуулахын тулд нийт арилжааны банкуудын эдийн засгийн салбаруудад олгосон зээлийн дүн, макро зээлийн оновчтой багцын төвлөрөлийн индексийг тооцож, тус индексд эдийн засгийн салбарууд хэрхэн нөлөөлж байгааг судалсан. Хувьсагчдын тайлбарлах чадвар болон ач холбогдлын төвшин нь уг хоёр шинжилгээний хувьд сайн гарсан ба хоёр шинжилгээний үр дүн нийцтэй гарсан бөгөөд эдийн засгийн салбарууд болон макро эдийн засгийн үзүүлэлтүүдийн оновчтой багц болон бусад үзүүлэлтүүд дэх нөлөөллийг чанарын шинжилгээний аргаар тодорхойллоо.
