Хураангуй:
Санхүүгийн салбар бол байгууллага, аж ахуйн нэгжийн чухал салбаруудын нэг. Санхүүгийн салбарын гүйцэтгэл хоног хугацаа өнгөрөх бүрд шинэ аргачлалуудаар сайжрах хэрэгцээтэй байнга тулгардаг. Иймд энэхүү судалгааны ажил нь санхүүгийн чухал салбар болох даатгалын компанийн үр ашгийг онцлон авч үзэж байна. Судалгааны ажилд өгөгдөлийн нууцлалыг хангах үүднээс “Амар даатгал” ХХК хэмээн нэрлэсэн даатгалын компаний санхүүгийн үзүүлэлтэд тулгуурлан санхүүгийн өнөөгийн нөхцөл байдалд тайлангийн шинжилгээ хийсэн бөгөөд Дю понт загварын аргаар үр ашгийг үнэлсэн. Уг үр дүнд нөлөөлсөн хүчин зүйлийг тодорхойлохын тулд тэнцвэржүүлсэн үнэлгээний аргын үндсэн дөрвөн төлөвт суурьлан даатгалын компаний үйл ажиллагааны онцлогт тохирсон үзүүлэлтүүдийг сонгон авч тэдгээрийг манай улсын даатгалын салбарт өндөр албан тушаал хашиж буй, туршлагатай мэргэжилтнүүдээр үнэлүүлэн үр дүн гаргасан ба эдгээр үзүүлэлтийн 5 жилийн өгөгдөлийг ашиглан корреляцийн шинжилгээ хийн хамаарлыг тогтоосон бөгөөд экспертүүдээс авсан судалгааны үр дүнтэй харьцуулах замаар үр ашигт нөлөөлөгч хүчин зүйлийг тодорхойлсон.