Хураангуй:
Монгол улсад жижиглэн худалдааны байгууллагын 40 гаруй тусдаа лояалти хөтөлбөр ажиллаж байгаа бөгөөд энэ нь хэрэглэгчид олон апп, карт хэрэглэхэд хүргэж, идэвхтэй оролцоог бууруулж байна. Энэхүү дипломын ажлын зорилго нь дижитал орчинд нэгдсэн лояалти платформ бий болгох шаардлагыг судалгааны үндсэн дээр нотолж, системийн шинжилгээ ба зохиомж боловсруулахад оршино.
Судалгааны хүрээнд Монгол улсын жижиглэн худалдаа, жижиг дунд үйлчилгээний салбарт тулгамдаж буй лояалти системийн тусдаа байдлыг асуулгын судалгаа болон PIECES шинжилгээний аргаар тодорхойлж, олон улсын болон дотоодын ижил төстэй платформуудыг харьцуулан судалсан болно. Мөн хэрэгжих боломжийн судалгаа хийж, байгууллагын бизнес процессын As-Is загварыг боловсруулсан.
Энэхүү дипломын ажил нь нийт 3 бүлэг, 16 хүснэгт, 28 зурагтай бөгөөд 17 эх сурвалж ашигласан болно. Судалгааны үр дүнгээр нэгдсэн лояалти платформ нь хэрэглэгчийн оролцоог нэмэгдүүлж, байгууллагуудад илүү олон хэрэглэгчтэй болох боломж олгоно гэж үзэв.
