Хураангуй:
Энэхүү дипломын ажил нь Монгол Улсад “Хууль тогтоомжийн тухай хууль”-ийн
хэрэгжилт болон хууль тогтоомжийн төсөл боловсруулах зардлын тооцооллын
аргачлалыг судлахад чиглэсэн. Судалгааны зорилго нь хууль тогтоомжийн төслийн
чанар, хэрэгжилт, үр нөлөөг үнэлэх, мөн тэдгээрийн бодит хэрэгжилтэд нөлөөлж буй сул
тал, хүндрэлүүдийг илрүүлэхэд оршино. Ажилд хууль тогтоох үйл ажиллагааны онол,
эрх зүйн зохицуулалт, зардлын тооцооллын аргачлал, олон улсын сайн туршлагын
судалгааг ашигласан. Судалгааны үр дүнд Монгол Улсын хууль тогтоомжийн төсөл
боловсруулах үе шат бүрт гарч буй зардлын ангилал, тооцооллын аргачлал, үр нөлөөний
үнэлгээний онцлогийг тодорхойлж, практик хэрэгжилтэд тулгарч буй асуудлыг
илрүүлсэн. Мөн Австрали, БНСУ, ХБНГУ зэрэг орнуудын туршлагатай харьцуулсан
судалгаа хийж, үндэсний хууль боловсруулах процессын сайжруулалтын санал зөвлөмж
гаргасан. Энэхүү судалгаа нь хууль тогтоомжийг боловсронгуй болгох, төсөл
боловсруулах зардлыг үнэлэх, үр нөлөөг үнэлэх эрх зүйн ба практик үндэслэлийг хангах,
олон нийтийн оролцоог сайжруулахад хувь нэмэр оруулах ач холбогдолтой.
