ЭРХ БОРЛУУЛСНЫ ОРЛОГОД НОГДУУЛАХ АЛБАН ТАТВАРЫН ЭРХ ЗҮЙН ЗОХИЦУУЛАЛТ, ТУЛГАМДАЖ БУЙ АСУУДАЛ

Abstract

Энэхүү судалгааны ажлаар Монгол Улсад эрх борлуулсны орлогын албан татварын эрх зүйн зохицуулалт хэрхэн хэрэгжиж байгааг судлахдаа эрх зүйн орчин, татварын хяналт шалгалт, түүний практик, шүүхийн шийдвэрт тулгуурлан тулгамдаж буй асуудлыг тодорхойлон үнэлэлт дүгнэлт өгч, өөрийн саналыг дэвшүүлэхийг зорилоо. Судалгаанд Монгол Улсын Татварын ерөнхий хууль, Аж ахуйн нэгжийн орлогын албан татварын тухай хууль, бусад холбогдох журмуудыг шинжлэн судлахын зэрэгцээ, татварын хэрэг маргааныг шийдвэрлэсэн шүүхийн шийдвэрүүд дээр дүн шинжилгээ хийв. Ялангуяа эрх борлуулсан гэж үзэх эсэхийг тогтоох нөхцөл, эрх шилжүүлэлтийн хэлбэрүүд, эцсийн эзэмшигчийн бүтэц өөрчлөгдөх эсэхтэй холбоотой асуудлуудыг нарийвчлан авч үзлээ. Судалгааны үр дүнд манай улсад одоогийн мөрдөгдөж байгаа эрх борлуулсны орлогын албан татварын хууль, тогтоомжууд нарийвчилсан зохицуулалт хийж чадаж байгаа эсэх, мөн хоёрдмол утгагүй нэг мөр ойлгогдохуйц хэмжээнд байгаа эсэхийг тогтоосны үндсэн дээр эрх шилжүүлэлтийн ангилал, татвар ногдуулах суурь, түүнийг тооцох аргачлалыг сайжруулахад дүгнэлт өгч, өөрийн саналыг дэвшүүлэхийг зорилоо.