Хураангуй:
Монгол улсын банкны салбар сүүлийн жилүүдэд хурдацтай хөгжиж байгаа бөгөөд салбарын нөхцөл байдал болон, ашигт ажиллагааг судлах нь банкны удирдлага, санхүүгийн салбарын ажилчид, бодлого боловсруулагчдад нэн шаардлагатай болж байгаа юм. Тиймээс манай улсын банкны салбарын томоохон тоглогч болох Голомт банкны тоон өгөгдөлд үндэслэн судалгаа хийлээ. Тухайн судалгааг хийхдээ сүүлийн жилүүдэд ихээхэн хөгжиж байгаа машин сургалтын аргаар регресс үнэлсэн юм. Банкны ашигт ажиллагаатай холбоотой судалгаа болон эрдмийн ажил харьцангуй сайн хийгдсэн хэдий ч машин сургалтын аргаар тайлбар өгч, үр дүнг тодорхойлсон судалгаа хараахан байхгүй байгаа юм. Судалгаанд банкны ашигт ажиллагааг хэмждэг нийт хөрөнгийн өгөөж, өөрийн хөрөнгийн өгөөжийг ашиглан үнэлгээ хийсэн.
