Хураангуй:
Энэхүү дипломын ажлынхаа хүрээнд харилцагчийн үйлчлүүлж буй банкаа солих зан
төлөв, түүнд нөлөөлөх хүчин зүйлсийн судалгааг хийхийг зорилоо. Үүний тулд нэр хүнд,
үйлчилгээний чанар, харилцагчийн сэтгэл ханамж, байршил, үнэнч байдал, ам дамжсан
яриа, банк солих зардал гэсэн 7 хүчин зүйл нь харилцагчийн банк солих зан төлөвтэй
сөрөг хамааралтай хэмээн таамагласан.
Уг судалгаанд Монгол улсын арилжааны банкаар үйлчлүүлдэг 307 харилцагчид
хамрагдсан бөгөөд хүчин зүйлийн шинжилгээ, корреляцийн болон регрессийн
шинжилгээ зэрэг аргачлалуудыг ашиглан таамаглалаа шалгаж, дүгнэлт, санал зөвлөмж
боловсруулсан болно.
