АЖИЛЧДЫН АЖЛЫН БАЙРАНД ТОГТВОРТОЙ АЖИЛЛАХАД НӨЛӨӨЛӨХ ХҮЧИН ЗҮЙЛСИЙН СУДАЛГАА (АСРАМЖИЙН ГАЗРЫН ЖИШЭЭН ДЭЭР)

Abstract

Энэхүү судалгааны ажил нь ажилчдын ажлын байранд тогтвортой ажиллахад хэрхэн нөлөөлөж байгааг тодорхойлох зорилготой. Судалгааны үндэслэл нь байгууллагын амин чухал нөөц нь хүн капитал бөгөөд түүний тогтвортой байдлыг хадгалах нь байгууллагын амжилтад нөлөөлөх чухал хүчин зүйлсийн нэг юм. Судалгаанд олон улсын онолын хүрээ болох Гоуригийн (2011)-ийн Интелийн ажилтнуудыг хадгалах талаар хийсэн судалгаа, Масловийн хэрэгцээний 5 шатлалын онол, Херзбергийн хоёр хүчин зүйлийн онолыг ашигласан. Судалгааны зорилго нь Лотус хүүхдийн төв (хувийн) болон Хүүхэд залуучуудын цогцолбор (улсын) тус тус байгууллагуудын ажилтнууд ажлын байранд тогтвортой ажиллахад нөлөөлөх хүчин зүйлсийг тодорхойлох явдал юм. Судалгааг Google Forms ашиглан төрийн болон хувийн асрамжийн байгууллагад ажилладаг нийт 63 ажилтнаас авсан бөгөөд өгөгдлийг ашиглан SPSS програм дээр фактор шинжилгээ, KMO, корреляцийн шинжилгээ, регрессийн шинжилгээ болон зохицлын регрессийн шинжилгээ, кластер шинжилгээ хийсэн. Судалгааны дүгнэлт нь ажилтны ажлын байранд тогтвортой ажиллахад байгууллагын өмчийн хэлбэр нөлөөлж байгааг харуулж байна. Ажилтны тогтвортой байдалд сургалт хөгжил, гүйцэтгэлийн үнэлгээ, нийгмийн халамж, цалин урамшуулал болон карьерын өсөлт нь тус тус ач холбогдолтойгоор нөлөөлж байгаа нь батлагдсан.