Монгол улсад даатгалын синдикат бий болгох хэрэгцээ, эрх зүйн зохицуулалтын харьцуулсан судалгаа

Abstract

Даатгал нь орчин үеийн эдийн засагт санхүүгийн тогтвортой байдлыг хангах гол хэрэгсэл бөгөөд энэхүү судалгаагаар даатгалын салбар дахь синдикат бүтцийн мөн чанар, гадаад улсын туршлага, Монгол Улсад хэрэгжүүлэх боломжийг судлав. Синдикат нь олон оролцогч хамтран тодорхой эрсдэлийг даах зорилготой гэрээний бүтэц бөгөөд Lloyd’s of London нь амжилттай жишээ юм. Судалгаанд Lloyd’s-ийн удирдлагын гурвалсан загвар, эрх зүйн зохицуулалт, хамтын гэрээний төрөл зэргийг нарийвчлан судалсан. Монгол Улсад синдикатыг хэрэгжүүлэх эрх зүйн орчин тодорхой хэмжээнд бүрдсэн боловч нарийвчилсан зохицуулалтгүй, хөрөнгө оруулагчийн оролцоо сул, зах зээлийн төвлөрөл өндөр зэргээс хамаарч эрсдэлтэй байна. Мөн өрсөлдөөний эрх зүйн хүрээнд картелийн шинжийг агуулах магадлалтайг онцлов. Гадаадын туршлагаас харахад Европын Холбоо, Их Британи, АНУ-д синдикатын зохицуулалт тусгай журмаар тодорхойлогддог. Монголд хэрэгжүүлэхийн тулд өрсөлдөөний хуульд тусгай зохицуулалт нэмэх, хяналтын тогтолцоог боловсронгуй болгох шаардлагатай гэж дүгнэв.