РЕСТОРАНААР ҮЙЛЧЛҮҮЛЭГЧДИЙН ҮНЭНЧ БАЙДАЛД НӨЛӨӨЛӨХ ХҮЧИН ЗҮЙЛСИЙГ ТОДОРХОЙЛОХ СУДАЛГАА

Abstract

Энэхүү дипломын ажил нь рестораны салбарт үйлчлүүлэгчдийн үнэнч байдалд нөлөөлж буй хүчин зүйлсийг судалсан бөгөөд Монголын зах зээл дэх нөлөөллийг шалгалаа. Энэхүү судалгаа нь рестораны бизнесийн үйл ажиллагаа, үйлчлүүлэгчийн үнэнч байдлын үзүүлэлтүүд, бизнесийн үйл явцын талаархи онолын хүрээг нэгтгэж, үйлчлүүлэгчийн зан төлөвийн талаар иж бүрэн ойлголттой болсон. Үйлчилгээний чанар, хоолны чанар, үнэ, хоолны ерөнхий орчин зэрэг үнэнч байдлын гол хүчин зүйлсийг онолын судалгаа болон эмпирик кейс хоорондын харьцуулсан судалгаагаар боловсруулалт хийлээ. Энэхүү судалгаа нь хотжилт хурдацтай явагдаж, дундаж давхарга нэмэгдэж байгаагаараа онцлогтой Монголын рестораны бизнесийн орчны онцлогийг харуулхыг зорилоо. Үйлчилгээний чанар, хоолны чанар, үнэ нь үйлчлүүлэгчийн үнэнч байдалд ихээхэн нөлөөлдөг бол хоолны орчин бас чухал үүрэг гүйцэтгэдэг болохыг статистик дүн шинжилгээ, кейс судалгааны үр дүнгээс харьцуулан дүгнэлээ. Судалгааны үр дүнд Монгол дах ресторанууд эдгээр чухал хүчин зүйлд анхаарлаа хандуулж, үр дүнтэй үнэнч байдлын хөтөлбөрийг хэрэгжүүлснээр үйлчлүүлэгчдийн үнэнч байдлыг нэмэгдүүлэх боломжтойг харуулж байна. Энэхүү судалгаа нь Монголын рестораны салбарын онцлог хүчин зүйлсийн талаарх ойлголтыг өгч, рестораны менежерүүдэд үйлчлүүлэгчдийг хадгалах, сэтгэл ханамжийг сайжруулахад практик зөвлөмж өгөх замаар одоо практик ач холбогдолтой юм.