ISO/UNDP PAS 53002:2024 "Нэгдсэн Үндэстний Байгууллагын Тогтвортой Хөгжлийн Зорилгуудад хувь нэмэр оруулах удирдамж" стандартыг мал төхөөрөх үйлдвэрт нэвтрүүлэх боломжийг тодорхойлох судалгаа”

Abstract

Дэлхий дахинаа 2016 оноос хэрэгжиж эхэлсэн Тогтвортой хөгжлийн 17 зорилгын хэрэгжилт цар тахлын болон геополитекийн нөхцөл байдлуудын улмаас саарч эхэлсэн бөгөөд 2023 оны байдлаар дэлхий даяар шалгуур үзүүлэлтүүдийн хэрэгжилт хангах түвшин 15%, хэрэгжилтийг эрчимжүүлэх шаардлагатай 48%, хэрэгжилт хангалтгүй буюу ухарсан түвшин 37% байгааг мэдээлсэн байна (ЭЗХЯ Нэгдсэн бодлого төлөвлөлтийн газар, 2023). Энэхүү нөхцөл байдлын улмаас Тогтвортой Хөгжлийн Зорилгуудыг (ТХЗ) хэрэгжүүлэх гол оролцогчдын нэг болох бизнесийн байгууллагын хөрөнгө оруулагчид, компаниудад үйл ажиллагаагаа илүү тогтвортой явуулах мөн тогтвортой хөгжил, Нэгдсэн Үндэстний Байгууллага ТХЗ-д өөрсдийн хувь нэмэр оруулахад нь дэмжлэг үзүүлэх зорилгоор Олон Улсын Стандартын Байгууллагатай хамтран ISO/UNDP PAS 53002:2024 "Нэгдсэн Үндэстний Байгууллагын Тогтвортой Хөгжлийн Зорилгуудад хувь нэмэр оруулах удирдамж" стандартыг боловсруулж, 2024 оны 9-р сарын 24-ны өдөр олон нийтэд мэдээлсэн бөгөөд энэхүү удирдамж стандартыг Монгол Улсын эдийн засгийн тэргүүлэх салбарын нэг бөгөөд одоогоор хүлэмжийн хий ялгарал, бэлчээрийн доройтол, хог хаягдал гэх мэт хүрээлэн буй орчинд ихээхэн сөрөг нөлөөтэй Мал Аж Ахуйн салбарын үйлдвэрлэгчдийн үйл ажиллагаанд нэвтрүүлэх боломжийг судаллаа. Судалгааг хийхдээ салбарын үйлдвэрлэлийн анхдагч цэг болох мал төхөөрөх үйлдвэрлэлээс эцсийн цэг болох хэрэглэгчийн гэрт хүртэл бүтээгдэхүүн үйлчилгээгээ хүргэж буй томоохон тоглогчийн нэг ISO 22000:2018 Хүнсний аюулгүй байдлын удирдлагын тогтолцоо, FSSC 22000 Хүнсний Аюулгүй Байдлын Системийн Баталгаажуулалт, ХАЛАЛ Исламын шашны зан үйл бүхий хүнсний аюулгүй байдлын стандартуудыг үйл ажиллагаанд хэрэгжүүлэн ОУ-ын байгууллагуудаар баталгаажуулан ажиллаж буй “Траст Трейд” ХХК-н үйл ажиллагааг үнэлэх, зөрүүг шинжлэх, стандарт нэвтрүүлэх төлөвлөгөөг боловсруулах гэсэн үе шаттай хийж, дүгнэлт, санал зөвлөмжийг боловсруулсан болно. Хэдийгээр ОУ-ын удирдлагын тогтолцооны стандартууд хэрэгжүүлэн ажилладаг ч тус компанийн хувьд засаглалын бодлого, өгөдлийн удирдлага, шийдвэр гаргах үйл явц, инновацийн бодлого зохицуулалт сул байгаа нь хяналтын хуудсаархи үнэлгээгээр тогтоогдлоо. Стандартыг хэрэгжүүлэхэд төвөгшил ихтэй ч энэхүү стандартыг нэвтрүүлснээр ТХЗ-д бодлого, үйл ажиллагааг чиглүүлж, орчин үеийн хөгжлийн загварт нийцүүлэн бизнесийг хувиргах, сонирхогч бүх талуудын ойлголцлыг ахиулснаар хамтын ажиллагаа, харилцан ойлголцлыг бэхжүүлэх, хариуцлагатай хэрэглээг дэмжсэнээр өртөг зардал хэмнэх, Монголын Тогтвортой Санхүүгийн Холбоо, Олон улсын санхүүгийн корпораци, НҮБ-ын Хөгжлийн хөтөлбөр, Тогтвортой байдлын санхүүгийн төвүүдийн олон улсын сүлжээ зэрэг байгууллагуудаас гаргасан санхүүжилтын шаардлагад үйл ажиллагааг нийцүүлэн хөрөнгийн зах зээлд хувьцаа гаргах, хямд эх үүсвэртэй санхүүжилт татах боломжууд үүсэхээр байна.